Քաղաքական15:06, 15 Մարտ 2023
Դողու Փերինչեք․ «Վեցյակի սեղան» ընդդիմադիր դաշինքը ստեղծվել է ԱՄՆ-ի կողմից
Թուրքիայի «Հայրենիք» կուսակցության նախագահ և գալիք ընտրություններում նախագահի թեկնածու Դողու Փերինչեքը գնահատականներ է հնչեցրել ընտրությունների կապակցությամբ։
Խոսելով ընդդիմադիր ուժերի կազմած «Վեցյակի սեղանի» մասին՝ Փերինչեքն ասել է, որ այն կորցրել է իր վստահությունը։
«Որովհետև «Վեցյակի սեղան» դաշինքը ԱՄՆ-ի կողմից ստեղծված մի սեղան է։ Այդ տեսանկյունից վստահություն շահելն առաջիկա գործընթացում ոչ մի կերպ հնարավոր չէ։ Իհարկե, երբ ասում ենք, թե Ամերիկան է ստեղծել, անհիմն չենք խոսում։ Տվյալների և ճիշտ ապացույցների վրա ենք հիմնվում։ 2020-ի հունվարին ամերիկյան խորքային պետության 276 էջանոց մի զեկույց էր հրապարակվել Թուրքիայում ազգայնական վերելքի մասին, որտեղ ասվում էր, որ ԺՀԿ-ն (Ժողովրդահանրապետական կուսակցություն), ԼԿ-ն (Լավ կուսակցություն) և պահպանողականները, բոլորը, ԺԴԿ-ի (Ժողովուրդների դեմոկրատական կուսակցություն) և ՔԲԿ-ի (Քուրդիստանի բանվորական կուսակցություն) հետ միավորվելու են։ Եվ այդ ընդդիմությունն Էրդողանի իշխանությունը տապալելու է։ «Վեցյակի սեղանը» լիովին Ամերիկայի կազմակերպած ձևով է ստեղծվել»,-ասել է նա։
Անդրադառնալով այն հանգամանքին, որ «Հայրենիք» կուսակցությունը դեռևս ոչ մի ուժի հետ դաշինք չի կազմել՝ Փերինչեքն ասել է, որ իրենք ոչ մի դեպքում ՔԲԿ-ի հետ նույն ճակատում չեն լինի, քանի որ թե՛ նրանք, թե՛ ԺԴԿ-ն, պաշտոնապես «Վեցյակի սեղան» դաշինքի անդամ չլինելով, այդ դաշինքի աջակցությունն են վայելում։
Այս ենթաբաժնի վերջին նորությունները
Նակատանիի այցը պատմական է, քանի որ նա Ճապոնիայի առաջին պաշտպանության նախարարն է, ով այց է կատարում Թուրքիա։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Մարդիկ Թուրքիայում աշխատում են շաբաթական միջինում 45.6 ժամ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |