Քաղաքական11:23, 10 Մարտ 2023
Թուրքիայի նախագահի խոսնակն անդրադարձել է Շվեդիայի և Ֆինլանդիայի ՆԱՏՕ-ին անդամակցելու գործընթացին
Թուրքիայի նախագահի խոսնակ Իբրահիմ Քալընը Բրյուսելում անդրադարձել է Ֆինլանդիայի և Շվեդիայի ՆԱՏՕ-ին անդամակցելու հարցին:
Քալընը նշել է, որ Թուրքիա-Շվեդիա-Ֆինլանդիա մշտական համատեղ մեխանիզմի ձևավորման շրջանակում ունեցած հանդիպումը ընդհանուր առմամբ դրական մթնոլորտում է անցել, ապա նաև հավելել, որ անդամակցության համար Շվեդիան և Ֆինլանդիան պետք է անվտանգային մտահոգությունները փարատելու ուղությամբ քայլեր ձեռնարկեն:
Լրագրողի այն հարցին, թե արդյո՞ք առանձին է դիտարկվելու սկանդինավյան երկրների
անդամակցությունը, Քալընը պատասխանել է, որ դա կախված է այդ երկրների հետագա քայլերից:
Հիշեցնենք, որ Թուրքիայի, Շվեդիայի ու Ֆինլանդիայի ներկայացուցիչները մարտի 9-ին հանդիպել են Բրյուսելում՝ քննարկելու սկանդինավյան երկրների պարտավորությունները ՆԱՏՕ-ին անդամակցելու համար։ Թուրքական կողմից հանդիպմանը մասնակցել են երկրի նախագահի մամուլի խոսնակ Իբրահիմ Քալընը և նոր նշանակված փոխարտգործնախարար Բուրաք Աքչափարը։
Նախկինում, Ստոկհոլմում Թուրքիայի դեսպանատան մոտ ազգայնականներն այրել էին Ղուրանը, որից հետո հունվարի 24-ին նախատեսված եռակողմ հանդիպումը Անկարան չեղարկել էր, իսկ դրանից օրեր առաջ քուրդ ակտիվիստները գլխիվայր կախել էին Թուրքիայի նախագահ Ռեջեփ Էրդողանին նմանվող խրտվիլակ։
ՆԱՏՕ-ին անդամակցելու՝ Շվեդիայի ու Ֆինլանդիայի հայտերը դաշինքի անդամներից չեն վավերացրել միայն Թուրքիան ու Հունգարիան։
Այս ենթաբաժնի վերջին նորությունները
Նակատանիի այցը պատմական է, քանի որ նա Ճապոնիայի առաջին պաշտպանության նախարարն է, ով այց է կատարում Թուրքիա։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |