Հուժկու երկրաշարժ Թուրքիայում. տասնյակ զոհեր ու հարյուրավոր վիրավորներ (տեսանյութ)

Քաղաքական10:44, 06 Փետրվար 2023

Հուժկու երկրաշարժ Թուրքիայում. տասնյակ զոհեր ու հարյուրավոր վիրավորներ (տեսանյութ)

Փետրվարի 6-ին 7.6 մագնիտուդ ուժգնությամբ երկրաշարժ է գրանցվել Թուրքիայի հարավ-արևելքում՝ Սիրիայի հետ սահմանին։

Թուրքիայի ներքին գործերի նախարար Սուլեյման Սոյլուն հայտնել է, որ տուժել է 10 քաղաք:

Երկրաշարժերի հետևանքով Քահրամանմարաշում, Քիլիսում, Դիարբեքիրում, Ադանայում, Օսմանիեում, Գազիանթեփում, Մալաթիայում և Հաթայում շենքեր են փլուզվել։

Փետրվարի 6-ին՝ առավոտյան ժամը 04։17-ին, 7․4 մագնիտուտով, օջախի 7կմ խորությամբ երկրաշարժ է տեղի ունեցել Թուրքիայում՝ Քահրամանմարաշի Փազարջըքի շրջանում։

Ժամը 04։26-ին 6․4 մագնիտուտով երկրաշարժ է տեղի ունեցել Գազիանթեփի Նուրդաղըի շրջանում, իսկ ժամը 04.36-ին 6․5 մագնիտուտով երկրաժաշարժ է գրանցվել Գազիանթեփի Իսլահիյեի շրջանում։

Նահանգապետերի հաղորդած նախնական տվյալներով՝

Օսմանիեում փլուզվել է 34 շենք, 5 մարդ մահացել է։

Մալաթիայում փլուզվել է 130 շենք, 3 մարդ մահացել է, 100-ից ավելի վիրավոր կա։

Շանլըուրֆայում 15 մարդ մահացել է, 30-ը՝ վիրավորվել։

Դիարբեքիրում 6 շենք փլուզվել է, 6 մարդ մահացել է, 79-ը՝ վիրավորվել։

Պաշտոնական նախնական տվյալներով՝ Թուրքիայի 7 նահանգում կա 76 զոհ և 440 վիրավոր։ Զոհերի ու վիրավորների թիվը շարունակում է աճել։

Ավելի ուշ Թուրքիայի փոխնախագահ Ֆուաթ Օքթայը հայտնել է, որ երկրաշարժի ու ավերածությունների հետևանքով զոհերի թիվը հասել է 286-ի, իսկ վիրավորներինը՝ 2.323-ի։

Աղբյուր` Ermenihaber.am

Այս ենթաբաժնի վերջին նորությունները

19:35, 18 սեպ

Թուրքիան և Ճապոնիան համագործակցում են երկաթուղային տեխնոլոգիաների ոլորտում

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։