Էրդողան. 2022-ին մեր արտահանումը կազմել է 254.2 մլրդ դոլար

Տնտեսական13:27, 04 Հունվար 2023

Էրդողան. 2022-ին մեր արտահանումը կազմել է 254.2 մլրդ դոլար

Թուրքիայի նախագահ Ռեջեփ Թայիփ Էրդողանն Ստամբուլում խոսել է անցյալ տարվա արտահանումների ծավալներից և նշել, որ դրանք 12.9%-ով աճ են գրանցել կազմելով 254.2 մլրդ դոլար։ Ըստ Էրդողանի՝ իրենց նպատակն արտահանող երկրների առաջին տասնյակում հայտնվելն է Թուրքիայի հարյուրամյակին ընդառաջ։

«Սա պատմական ռեկորդ է մեր հանրապետության պատմության մեջ։ Աշխարհում կատարվող իրադարձությունները մեր տնտեսության և արտահանման արագությունը չեն կարողացել կտրել։ Ընդհակառակը, ճգնաժամն առիթ դարձնելով` ռեկորդներ ենք սահմանել։ Մենք պահպանել ենք մեր կայուն զարգացումը անցած տարվա ընթացքում։ Արտահանումը շարունակում է մնալ մեր տնտեսության շարժիչ ուժը։ 2022-ի 3-րդ եռամսյակում ստեղծվել է 3.5 մլն հավելյալ աշխատատեղ»,- ասել է նա։

Անդրադառնալով աշխարհաքաղաքական բարդ իրադրությանը ` Էրդողանը շեշտել է, որ ներդրումներ ապահովելը, արտադրության ոլորտում ասելիք ունենալը, ավելացված արժեքով բրենդ ստեղծելը հեշտ գործ չէ։

«Սա ցույց է տալիս, որ Թուրքիան դարձել է այնպիսի երկիր, որը կարողանում է ճգնաժամերը վերածել հնարավորությունների»,-եզրափակել է Էրդողանը։

Աղբյուր` Ermenihaber.am

Այս ենթաբաժնի վերջին նորությունները

17:07, 09 սեպ

Պակիստանում թուրքական ընկերությունների ներդրումների ծավալը գերազանցել է 2 մլրդ դոլարը

Յաշար Գյուլերը նշել է, որ վճռական են զարգացնել համագործակցությունը ռազմարդյունաբերության ոլորտում

12:42, 09 սեպ

Թուրքիայում կրոնական գործերի վարչությանը հատկացվում է ավելի շատ բյուջե, քան օրինակ ԱԳՆ-ին

Դա Թուրքիայում հանրային լայն քննարկումների առիրթ է դարձել։

16:42, 05 սեպ

Ադրբեջանն ու Թուրքիան ամրապնդում են էներգետիկ համագործակցությունը

Թուրքիայի էներգետիկայի և բնական պաշարների նախարարն ու Ադրբեջանի էներգետիկայի նախարարն այցելել են Իզմիր նահանգում գտնվող «SOCAR Turkey»-ի արտադրական կայան: