Հուլուսի Աքար․ «Սիրիայի հարցում ոչ մեկից թույլտվություն չենք խնդրելու»

Ռազմական19:10, 20 Դեկտեմբեր 2022

Հուլուսի Աքար․ «Սիրիայի հարցում ոչ մեկից թույլտվություն չենք խնդրելու»

Թուրքիայի պաշտպանության նախարար, բանակի գեներալ Հուլուսի Աքարն իտալական «Il Messaggero» լրատվամիջոցին տված հարցազրույցի ժամանակ անդրադարձել է մի շարք թեմաների, այդ թվում նաև սիրիական ճգնաժամին։ Նա նշել է, որ սիրիական հարցում որևէ մեկից թույլտվություն ստանալը բնավ խնդրո առարկա չէ Թուրքիայի համար։

Վկայակոչելով ամերիկյան կողմի հետ եղած անհամաձայնությունը՝ կապված F-16 կործանիչների հետ, նախարար Աքարն ասել է, որ Թուրքիայի որոշ դաշնակիցների դրած սահմանափակումներին դեմ հանդիման են մնացել և դա բացասաբար է ազդում ոչ միայն Թուրքիայի, այլև հյուսիսատլանտյան ողջ դաշինքի վրա։ Բայց և շեշտել է, որ Թուրքիան սպասում է այդ բոլոր սահմանափակումների վերացմանը։

Խոսելով «Քուրդիստանի բանվորական կուսակցության» (ՔԲԿ-PKK) և Թուրքիայում նրա սիրիական թևը համարվող YPG (Ժողովրդի պաշտպանության ուժեր) կառույցների մասին՝ Աքարը հայտնել էր, որ դրանք թիրախավորել են Թուրքիայի անվտանգությունը և ըստ ՄԱԿ-ի կանոնադրության 51-րդ կետի՝ իրենք կիրառում են օրինական պաշտպանության իրավունքը և դա անելիս ոչ մեկից թույլտվություն չեն խնդրելու։

Աղբյուր` artigercek.com

Այս ենթաբաժնի վերջին նորությունները

15:00, 24 հուլ

Թուրքիայի և Իսպանիայի ավիացիոն ընկերությունների միջև գործընկերային համաձայանգիր է ստորագրվել

Պայմանավորվածություն է ձեռք բերվել, որ Իսպանիայի ուսումնառազմական ռեակտիվ ինքնաթիռների կարիքները բավարարելու համար ձեռք կբերվի մինչև 30 միավոր «HÜRJET» ուսումնառազմական ինքնաթիռ։