Թուրք գեներալը նշանակվել է Ադրբեջանի պաշտպանության նախարարի խորհրդական

Ռազմական16:23, 15 Դեկտեմբեր 2022

Թուրք գեներալը նշանակվել է Ադրբեջանի պաշտպանության նախարարի խորհրդական

Թուրքական բանակի գեներալ-լեյտենանտ Բահթիյար Էրսայը ծառայության է անցել Ադրբեջանում՝ որպես պաշտպանության նախարարի խորհրդական։

Ինչպես հայտնում են թուրքական աղբյուրները, Էրսայն աչքի է ընկել «Քուրդիստանի բանվորական կուսակցության» (ՔԲԿ-PKK) դեմ ծավալած իր ակտիվ պայքարով, նրանց դեմ կազմակերպած տարբեր ռազմական գործողություններով, որոնք հաջողությամբ են ավարտվել։

2016 թվականի հուլիսի 15-ի ռազմական հեղաշրջման փորձից հետո մեղադրվել է գյուլենականների (FETÖ) հետ համագործակցելու մեջ, սակայն հետո Բարձրագույն ռազմական խորհրդի (ԲՌԽ-YAŞ) որոշմամբ հետ է կանչվել, բարձ զինկոչում ստացել ու շարունակել իր ծառայությունը։

Լուրեր էին շրջանառվում, որ նա 2020 թվականի արցախյան պատերազմից հետո ծառայության է անցել Ադրբեջանի զինված ուժերում՝ որպես պաշտպանության նախարար Զաքիր Հասանովի խորհրդական, սակայն ադրբեջանական զինվորական համազգեստով առաջին լուսանկարներն ի հայտ են եկել միայն վերջերս։

Այդ լուսանկարները հրապարակել է ադրբեջանցի լրագրող Նիգյար Իբրահիմովան։ Նա գրել է․ «Որպես Ադրբեջանի ՊՆ-ի խորհրդական նշանակված մեր գեներալ-լեյտենանտ Բահթիյար Էրսայ փաշան, ադրբեջանական բանակի համազգեստ հագնելով, սկսել է իր ծառայությունը»։

Աղբյուր` Haberler.com

Այս ենթաբաժնի վերջին նորությունները

12:48, 08 սեպ

Հունական մամուլ. «Թուրքիայի զինված ուժերում ՀՕՊ համալրումները կարող են թիրախավորել Հունաստանին և Իսրայելին»

Նշվում է, որ «İLTER J350» ՀՕՊ համակարգը կապահովի զգալի աճ Թուրքիայի ռազմական կարողությունների համար և տարածաշրջանում կարող է փոխել ուժերի բալանսը։

17:13, 05 սեպ

Ըստ իսրայելցի գնդապետի՝ Իսրայելը կտրականապես պատրաստ չէ թուրքական բանակի հետ պատերազմելուն

Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։