Ռազմական11:59, 07 Դեկտեմբեր 2022
ԱՄՆ-ի կոնգրեսը հանել է Թուրքիային F-16 կործանիչներ վաճառելու նախապայմանները
ԱՄՆ-ի կոնգրեսում շարունակվում են Թուրքիային 40 միավոր ամերիկյան F-16 կործանիչների վաճառքի ու 80 միավոր արդեն առկա կործանիչների արդիականացման գործընթացի հետ կապված զարգացումները: Նախօրեին սենատի ու ներկայացուցիչների պալատի համատեղ հանձնաժողովի կողմից վերջնական տեսքի է բերվել «Պաշտպանության ազգային հատկացումների մասին օրենքի տեքստը, որում տեղ չեն գտել կործանիչների հնարավոր գործարքի հարցում հունիսին Ներկայացուցիչների պալատի կողմից ավելացված նախապայմանները:
Քվեարկությամբ Կոնգրեսում ընդունված նախագծում առկա էին հետևյալ 2 նախապայմանները.
1. Վաճառքը պիտի իրականացվի ԱՄՆ-ի ազգային շահերին համապատասխան։
2. Պիտի տրվեն երաշխիքներ առ այն, որ կկանխարգելվի Թուրքիայի կողմից այդ կործանիչներով Հունաստանի տարածքում չարտոնված թռիչքներ իրականացնելը:
Նախատեսվում էր, որ ԱՄՆ սենատի հավանության դեպքում այդ նախագիծը հավելվածի տեսքով պիտի կցվեր 2023թ. համար ընդունվելիք ԱՄՆ-ի «Պաշտպանության ազգային հատկացումների մասին օրենքին»:
Սակայն նախ հոկտեմբերին սենատի քննարկման արդյունքում վերոնշյալ օրենքի տեքստից հանվեցին նախապայմանների նախագիծը, ապա դրանք տեղ չգտան նախօրեին համատեղ հանձնաժողովի կողմից վերջնականացված տեքստում:
Այսպիսով ներկայացուցիչների պալատի դրած նախապայմանները հանվեցին և դրանք այլևս չեն կարող ավելացվել օրենքի վերջնական տեքստում, բայց այսքանով Թուրքիային կործանիչների վաճառքի հարցում բոլոր խոչընդոտները չեն վերացվել, քանի որ Կոնգրեսը պետք է նաև հավանություն տա Թուրքիային կործանիչներ վաճառելու մասին կառավարության ներկայացնելիք առանձին փաստաթղթին:
Հիշեցնենք, որ հոկտեմբերին Սենատի մշակած տեքստից նախապայմանների հանվելը առաջացրել էր սենատի արտաքին հարաբերությունների հանձնաժողովի նախագահ Ռոբերտ Մենենդեսի դժգոհությունը: Նա հայտարարել էր, որ Թուրքիային զենքի վաճառքի հարցում մերժման ուղղությամբ կաշխատի:
Այս ենթաբաժնի վերջին նորությունները
Փոխնախարարները պայմանավորվածություն են ձեռք բերել «ALTAY» տանկերի զարգացման պես երկու երկրների միջև շարունակել զարգացնել փոխշահավետ համագործակցությունը։
Թուրքիայի պաշտպանության նախարար Յաշար Գյուլերը մասնակցել է Հյս․ Մակեդոնիայի ազգային և զինված ուժերի օրվա կապակցությամբ կազմակերպված ընդունելությանը։
Սեպտմեբերի 19-ին Ադրբեջանի զինված ուժերի կողմից Արցախի նկատմամբ սանձազերծված լայնածավալ հարձակման ընթացքում կիրառվել են նաև թուրքական ԱԹՍ-ներ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Դիտարկում է արվում, որ եթե «Զանգեզուրի միջանցքը» իրականանություն դառնա, ապա Թուրքիայից կիրականացվեն ուղիղ ցամաքային փոխադրումներ դեպի Կենտրոնական Ասիայի երկրներ։
«Իգդիր-Նախիջևան գազատարի նախագիծը, որը մենք նոր ենք սկսել, կխորացնի մեր էներգետիկ համագործակցությունն Ադրբեջանի հետ»։
Դրանցից մեկը վերաբերում է «Թուրքիայի Հանրապետության և Ադրբեջանի Հանրապետության միջև Կարս-Նախիջևան երկաթուղու նախագծին»։
Հունաստանի առատ տեղումները, որոնք հանգեցրել են նաև ջրհեղեղների, ընդլայնվելու են՝ դուրս գալով այդ երկրի սահմաններից:
Թուրքիայի նախագահն ԱՄՆ-ի Նյու Յորք քաղաքի «Թուրքական տանը» հանդիպել է լրագրողների հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |