Չավուշօղլուն հերթական անգամ հաստատել է հայ-թուրքական գործընթացի կախվածությունը հայ-ադրբեջանականից

Քաղաքական11:19, 06 Դեկտեմբեր 2022

Չավուշօղլուն հերթական անգամ հաստատել է հայ-թուրքական գործընթացի կախվածությունը հայ-ադրբեջանականից

Թուրքիայի արտգործնախարար Մևլյութ Չավուշօղլուն Անկարայում կայացած «Թուրքիայի նախաձեռնողական և մարդասիրական արտաքին քաղաքականությունը» խորագրով կոնֆերանսին ելույթի ժամանակ հերթական անգամ անդրադարձել ՀՀ-ի հետ տարվող գործընթացներին:

Այս համատեքստում նա նախ խոսել է Կովկասով անցնելիք Միջին միջանցքի մասին՝ Հայաստանի խորհուրդ տալով խելացի գործել և նույնպես օգտվել այդ ուղիներից: Դրանից հետո Չավուշօղլուն անմիջապես անցում է կատարել Թուրքիայի ու Ադրբեջանի՝ «Հայաստանին խաղաղության ձեռք մեկնելու» թեզին՝ հերթական անգամ իրար կապելով հայ-թուրքական ու հայ-ադրբեջանական գործընթացները:

«...Թուրքիան և Ադրբեջանը խաղաղության ձեռք մեկնեցին, Ադրբեջանը համապարփակ խաղաղության պայմանագրի առաջարկով հանդես եկավ, բանակցությունները պետք է կենտրոնացված լինեն արդյունքի վրա։

Մենք էլ կարգավորման գործընթաց ունենք (ՀՀ-ի հետ), սակայն բավականին բնական է այն, որ դա, անշուշտ, տանում ենք ջան Ադրբեջանի հետ համակարգմամբ, ծայրաստիճան բնական է նաև այն, որ այդ երկու գործընթացներն էլ միմյանց աջակցում են, կամ ազդում միմյանց վրա, որևէ մեկն էլ թող դա անընդունելի չհամարի»,- ասել է Չավուշօղլուն։

Աղբյուր` https://www.youtube.com/watch?v=pKeAsj28b50

Այս ենթաբաժնի վերջին նորությունները

17:03, 27 հունվ

ԱՄՆ-ն F-16 կործանիչներ մատակարարելու համար Թուրքիային նախապայմաններ է ներկայացրել

Նուլանդը, պատասխանելով սենատորների հարցերին, նշել էր, որ դեմ կլինի F-16-ի վաճառքին, քանի դեռ Թուրքիան հավանություն չի տվել Շվեդիայի ու Ֆինլանդիայի անդամակցությանը ՆԱՏՕ-ին։