Թուրքիայում հնարավոր են նոր ահաբեկչական հարձակումներ

Տարածաշրջան14:04, 01 Դեկտեմբեր 2022

Թուրքիայում հնարավոր են նոր ահաբեկչական հարձակումներ

Թուրքական իշխանությունները արևմտաեվրոպական երեք երկրների դեսպանատներին և մեկ խոշոր միջազգային կազմակերպության նախազգուշացրել են երկրում հնարավոր նոր ահաբեկչության մասին։

Այս մասին հայտնել է բրիտանական «Reuters» լրատվական գործակալությունը: Հրապարակման մեջ նշվել է, որ 3 երկրների դեսպանատներն ու միջազգային կազմակերպության ներկայացուցիչները այս մասին տեղեկատվությունը հայտնել են անանուն մնալու պայմանով՝ հաշվի առնելով թեմայի զգայունությունը: Նշվում է, որ ահաբեկչությունը կարող է իրականացվել ի պատասխան Թուրքիայի օդուժի կողմից Սիրիայի ու Իրաքի հյուսիսում իրականացված «Թուր-մագիլ» ռազմագործողության:

Թուրքիայի իշխանությունները հայտարարել են նաև Սիրիայի հյուսիսում քրդական կազմավորումների դեմ ցամաքային ռազմագործողություն իրականացնելոի իրենց պլանների մասին:

Սերբիայի արտգործնախարար Իվիցա Դաչիչն էլ հայտարարել է, որ իր հայրենակիցները պետք է խուսափեն առաջիկա շաբաթներին Թուրքիա և հատկապես Անկարա մեկնելուց՝ հնարավոր հարձակումների պատճառով։

Հիշեցնենք, որ նոյեմբերի 13-ին Ստամբուլի կենտրոնական Իսթիքլալ պողոտայում տեղի ունեցած պայթյունի հետևանքով զոհվել է 6, վիրավորվել ավելի քան 8 տասնյակ Թուրքիայի քաղաքացի: Թուրքիայի իշխանությունները հայտարարել են, որ Սիրիայից Թուրքիայի տարածք անցած կին ահաբեկիչը գործել է Սիրիայի քրդական կազմակերպությունների (Քրդստանի բանվորական կուսակցություն-PKK/ Ժողովրդի պաշտպանության ուժեր-YPG) ցուցումով, որոնց պաշտոնական Անկարան համարում է ահաբեկչական:

Աղբյուր` Cumhuriyet

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։