Սիրիան զինտեխնիկա է ուղարկում Թուրքիային սահմանամերձ Քոբանի

Ռազմական18:31, 29 Նոյեմբեր 2022

Սիրիան զինտեխնիկա է ուղարկում Թուրքիային սահմանամերձ Քոբանի

Սիրիայի ինքնիշխան տարածքում թուրքական ռազմաօդային ուժերի ռազմական օպերացիայից ի վեր Սիրիան ավելի մեծ ուշադրություն է սկսել դարձնել Քոբանիին։

Քոբանի - Թուրքիայի հետ սահմանամերձ քրդաբնակ սիրիական շրջան։

Ինչպես փոխանցում են սիրիական կառավարությանը մոտ կանգնած լրատվամիջոցները, Քոբանիի սահմանային գյուղեր են արդեն ուղարկվել 20 տանկ, ռազմական սարքավորումներ և հրետանային զինատեսակներից կազմված շարասյուն։

Տևական ժամանակ է, ինչ թուրքական զորքերը ռմբակոծում են Սիրիայի հյուսիսում գտնվող մի շարք շրջաններ, ինչպիսիք են Թել Ռիֆաթը, Մանբիջը, Թիլլ Թամըրը, Շահբան, Քոբանին։ Հայտնի է, որ Ռուսաստանի և ԱՄՆ-ի կողմից դրականորեն չի ընդունվել այդ ռազմագործողությունը։

Երեկ ռուսական ուղղաթիռները ցածր թռիչք են իրականացրել Քոբանիի երկնքում։ Հարկ է հիշեցնել, որ Քոբանիում է գտնվում ռուսական ռազմաբազան, և թուրքական զորքերի հետ համատեղ ռուսները ժամանակ առ ժամանակ ստուգումներ են անցկացնում։

Ավելի վաղ պարզ էր դարձել, որ Սիրիայում ռուսական ուժերի հրամանատար Ալեքսանդր Չայկոն Հասակայում հանդիպել էր «Սիրիայի դեմոկրատականն ուժերի» (ՍԴՈւ - DSG) հրամանատար Մազլում Քոբանիի (Աբդի) հետ և քննարկել վերջին իրադարձությունները։ Նշվում է, որ ռուս գեներալը Սիրիային առաջարկել է սահմաններում տեղակայել սեփական զինուժը՝ ի հակակշիռ Թուրքիայի հնարավոր ցամաքային ռազմագործողությանը։

Աղբյուր` rudaw.net

Այս ենթաբաժնի վերջին նորությունները

12:48, 08 սեպ

Հունական մամուլ. «Թուրքիայի զինված ուժերում ՀՕՊ համալրումները կարող են թիրախավորել Հունաստանին և Իսրայելին»

Նշվում է, որ «İLTER J350» ՀՕՊ համակարգը կապահովի զգալի աճ Թուրքիայի ռազմական կարողությունների համար և տարածաշրջանում կարող է փոխել ուժերի բալանսը։

17:13, 05 սեպ

Ըստ իսրայելցի գնդապետի՝ Իսրայելը կտրականապես պատրաստ չէ թուրքական բանակի հետ պատերազմելուն

Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։