Տարածաշրջան16:43, 28 Նոյեմբեր 2022
Սիրիան 2 պայման է դրել Թուրքիայի առաջ
Սիրիայի խորհրդարանի պատգամավոր և արտաքին հարաբերությունների հանձնաժողովի նախագահ Պիեռ Մարժանեն հայտնել է, որ Անկարայի ու Դամասկոսի հարաբերությունների կարգավորման համար կա հնարավորություն, բայց նախևառաջ Թուրքիան պետք է հրաժարվի ահաբեկչական խմբերին ֆինանսավորելուց ու մազրելուց և ընդունի, որ Սիրիայի տարածքները զավթել է։
Դրանից բացի՝ Թուրքիան պետք է ցույց տա, որ պատրաստ է դուրս հանել իր զորքերը Սիրիայի տարածքից։ Մարժանեն նաև նշել է, որ իրենք հասկանում են՝ Թուրքիայի ռազմաօդային գործողությունը քուրդ ահաբեկիչներին հասցեագրված ուղերձ է, բայց բոլոր քրդերը չեն, որ ահաբեկիչ են։
«Նրանցից շատերը Սիրիայի քաղաքացիներ են և կապ չունեն ԱՄՆ-ի կողմից զինվող, կրթություն ստացող և ուժեղացվող անջատողականների հետ և բոլոր քրդերին մեղադրել հայրենիքի դավաճանության մեջ չի կարելի»։
Խոսելով դիվանագիտական երկխոսության մասին՝ սիրիացի քաղգործիչն այսպիսի գնահատական է տվել․ «Դիվանագիտական երկխոսությունը հնարավոր է, եթե դրա հիմքը կազմի Ադանայի համաձայնագիրը, և Թուրքիան ցանկություն հայտնի դուրս գալ Սիրիայի տարածքներից»։
Ադանայի համաձայնագիր (թուրք․՝ Adana Mutabakatı) - Կնքվել է 1998-ի հոկտեմբերի 20-ին Թուրքիայի և Սիրիայի միջև։ Ըստ դրա՝ երկու կողմերը պարտավորվում էին պայքարել PKK-ի (ՔԲԿ - Քուրդիստանի բանվորական կուսակցություն) և նրա առաջնորդ Աբդուլլահ Օջալանի դեմ։ Սիրիան պարտավորվում էր թույլ չտալ վերջինիս մուտքն իր տարածք։
Վերջում Մարժանեն հավելել է, որ չի զարմանա, եթե Ստամբուլի Թաքսիմ հրապարակում նոյեմբերի 13-ին տեղի ունեցած պայթյունի հետևում կանգնած լինի այս ահաբեկչական խմբերից որևէ մեկը։
«Ահաբեկչությունը սահմաններ չի ճանաչում։ Սիրիայում ձեր հովանավորած ահաբեկչությունը կարող է հենց Թուրքիայում սպանել հենց ձեզ»։
Այս ենթաբաժնի վերջին նորությունները
«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։
Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Հալուք Բայրաքթարը նշել է, որ իրենց նպատակն է այդ ներդրումը դարձնել հաջողության պատմություն ոչ միայն Թուրքիայի, այլև Իտալիայի համար:
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Ընդհանուր առմամբ, 2002-ից մինչև 2024-ը Թուրքիայի նկատմամբ կայացվել է 3.363 իրավախախտման որոշում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |