Ռազմական13:28, 21 Նոյեմբեր 2022
Թուրքիան ավիահարվածներ է հասցրել քրդական ուժերին. քրդերը խոստանում են հակադարձել
Նոյեմբերի 20-ին Թուրքիայի բանակի օդուժը հարվածել է Իրաքում ու Սիրաիայում տեղակայված քրդական ուժերի դիրքերին։ Պաշտոնական Անկարան նրանց համարում է ահաբեկչական ուժեր: Ըստ Թուրքիայի պաշտպանության նախարարության տարածած հաղորդագրության՝ ավիահարվածների հետևանքով ոչնչացվել է 89 թիրախ, իսկ ավիագործողությունը կրում է «Մագիլ-Թուր» անվանումը:
Թուրք մի շարք բարձրաստիճան պաշտոնյաներ, ինչպիսիք են Թուրքիայի փոխնախագահ Ֆուաթ Օքթայը, արտգործնախարար Մևլութ Չավուշօղլուն, արդարադատության նախարար Բեքիր Բոզդաղը, նախագահի աշխատակազմի Հանրային կապերի վարչության ղեկավար Ֆահրեթթին Ալթունը, նախագահի խոսնակ Իբրահիմ Քալընը գրառումներ են արել Twitter-ում և աջակցություն հայտնել քրդական ուժերի դեմ ուղղված վերոհիշյալ ռազմական օպերացիային։
Պետական լրատվակայքերում ռազմական գործողությունը ներկայացվել է, որպես թուրք զինվորի պատասխանը Ստամբուլի Իսթիքլալ պողոտայում օրեր առաջ տեղի ունեցած ահաբեկչությանը։
Թուրքիայի ընդդիմադիր քրդամետ «Ժողովուդրների դեմոկրատական» կուսակցությունը (HDP-ԺԴԿ) խստորեն դատապարտել է Թուրքիայի օդուժի գործողությունները և պահանջել անհապաղ դադարեցում։
Սիրիայի քրդական «Ժողովրդավարական Սիրիայի ուժերի» (SDS) հրամանատարությունը ևս դատապարտել է թուրքական օդուժի հարձակումները՝ նշելով. «Քուրդ մարտիկներն անպատասխան չեն թողնի այս ագրեսիվ հարձակումը և կհարվածեն թուրքական զորքերին ճիշտ վայրում, ճիշտ ժամանակին»։
Հիշեցնենք, որ նոյեմբերի 13-ի ցերեկը Ստամբուլի Իսթիքլալ փողոցում պայթյուն էր որոտացել։ Զոհվել էր 6 մարդ, վիրավորվել՝ 81-ը։Երկրի ղեկավարությունը տեղի ունեցածը որակել է որպես ահաբեկչություն։
Թուրքիայի իշխանությունները հայտարարել են, որ Ստամբուլում տեղի ունեցած պայթյունի հետևում կանգնած են «Քրդստանի բանվորական կուսակցությունը» (PKK) և Սիրիայի քրդական ուժերը:
Այս ենթաբաժնի վերջին նորությունները
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Զուգահեռաբար Թուրքիան շարունակում է հետաքրքրված մնալ եվրոպական «Eurofighter Typhoon» կործանիչների ձեռքբերմամբ:
Պաշտոնյայի խոսքով՝ Թուրքիան Իրաքում ծրագրում է «ոչնչացնել» PKK-ի անդամներին։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայում գտնվելու ժամանակ Շամսիդին Ֆարիդունին սոցիալական ցանցում լուսանկարներ է հրապարակել։
Թուրքիայի նախագահն ամերիկացի գործընկերոջ հետ քննարկելու է Պաղեստինի Գազայի հատվածում տիրող իրավիճակը և մի շարք այլ երկկողմ հետաքրքրություն ներկայացնող հարցեր:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |