Իրավական12:32, 17 Նոյեմբեր 2022
Թուրքիայում քրդերենը չի ընդգրկվել դատական համակարգի ծառայությունների ցանկում
Թուրքիայի արդարադատության նախարարությունը հայտնել է, որ դատական համակարգի ծառայությունների ցանկում առկա 19 լեզվին ավելացվել է ևս 9 օտար լեզու տեղեկությունը։ Այսուհետև այդ ծառայությունները հասանելի կդառնան 28 լեզվով։ Նոր ավելացված լեզուներն են բոսնիերենը, խորվաթերենը, ղազախերենը, ղրղզերենը, մոնղոլերենը, ուզբեկերենը, սերբերենը, տաջիկերենը և թուրքմեներենը։
Այս մասին հայտնել է Թուրքիայի արդարադատության նախարար Բեքիր Բոզդաղը։ Նա նշել է, որ մոտ ապագայում ավելի կընդլայնեն ծառայության շրջանակը։
«Ժողովուրդների դեմոկրատական կուսակցության» (ԺԴԿ-HDP) Ադանայից ընտրված պատգամավոր Քեմալ Փեքոզը բարձրաձայնել էր այն փաստը, որ քրդերենն այդ լեզվախմբում ներառված չէ։ Նախկինում ևս պատգամավորը տարբեր առիթներով գանգատվել էր քրդերենի՝ հասարակական ծառայություններում ներառված չլինելուց, բայց ապարդյուն։
«Քրդերը ևս պիտի օգտվեն դրանից։ Առողջապահության, տրանսպորտի, կապի ու նման այլ ոլորտներում այս խնդիրը մշտապես առկա է։ Մարդիկ տառապում են դրանից։ Շատ մարդիկ կան, որ թուրքերեն չգիտեն։ Ինչպես մնացյալ այլ ոլորտներում, այստեղ ևս խտրականությունն անպակաս է։
Ընդհանուր առմամբ, նմանատիպ հարցերի չեն պատասխանում կամ էլ ասում են, թե օրենսդրությանը համապատասխան են վարվել։ Սակայն մենք ցանկանում ենք, որ այս սահմանափակումները վերանան։ Այս նախագծին ավելացվել են Թուրքիայում հազվադեպ օգտագործվող լեզուներ, մինչդեռ քրդերենը, որն օգտագործում է բնակչության 20-25 տոկոսը, չի ավելացվել, անտեսվել է»,- դժգոհել է պատգամավորը։
Այս ենթաբաժնի վերջին նորությունները
Նշյալ անձիք Դոնի Ռոստովի զինվորական դատարանի կողմից դատապարտվել են ահաբեկչական բջիջ հիմնելու ու իշխանության զավթումը նախապատրաստելու մեղադրանքով:
Ավելի քան 17 հազար մեղադրյալի նկատմամբ կիրառվել է ազատազրկում, ևս 12.649-ի դատավճռի կիրառումն էլ հետաձգվել է:
Կանանցից 209-ը տղամարդկանց բռնության զոհ են դարձել իրենց իսկ տանը, 46-ը՝ փողոցում, 16-ը՝ աշխատանքի վայրում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Զորավարժությունը մասնակիցներ ունի 17 երկրից՝ ներառյալ Գերմանիայից, Ադրբեջանից, Մեծ Բրիտանիայից։
Թուրքիայի արտգործնախարար Մևլյութ Չավուշօղլուն արձագանքել է ԱՄՆ նախկին պետքարտուղար Մայք Պոմպեոյի twitter-յան գրառմանը։
Նշվում է, որ իշխանության ղեկին մնալու համար նա կոնֆլիկտներ է հրահրում Սիրիայում և Գերմանիայում։
Նա հոդվածում նշել է, որ Թուրքիան դաշնակից երկիր է, ՆԱՏՕ-ի անդամ, սակայն իրեն այդ դաշինքի անդամ պետության նման չի դրսևորում։
Այս չեղարկումները տեղի են ունենում Թուրքիայի ու սկանդինավյան երկու երկրների միջև լարված հարաբերությունների համատեքստում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |