Քաղաքական17:00, 26 Հոկտեմբեր 2022
Իսրայելի պաշտպանության նախարարը մեկնել է Թուրքիա
Հոկտեմբերի 26-ին պաշտոնական այցով Թուրքիա է մեկնել Իսրայելի պաշտպանության նախարար Բենի Գանցը:Թուրք պաշտոնակից Հուլուսի Աքարի հետ հանդիպմանը նախատեսվում է քննարկել 1994թ. և 1996թ. երկու երկրների միջև կնքված պայմանագրերով անվտանգության և պաշտպանության ոլորտում համագործակցության ուղղությունների թարմացման հարցը: Կողմերը կկենտրոնանան 12 տարի սառեցված ռազմական, անվտանգության ու պաշտպանական անվտանգության ոլորտում համագործակցության աշխուժացման, նորացման ու թարմացման վերաբերյալ ձևավորելիք ճանապարհային քարտեզի վրա:
Բացի դրանից, ըստ թուրքական աղբյուրի, հանդիպանն անդրադարձ է լինելու Ուկրաինայի, Սիրիայի ու Հարավային Կովկասի զարգացումներին: Վերջինի համատեքստում կխոսվի նաև Իրան-Ադրբեջան սահմանին առաջացած լարվածության մասին:
Նշվում է, որ վերջին անգամ պաշտպանության նախարարի մակարդակով իսրայելական կողմից այց եղել էր Թուրքիայի 2010թ-ին։ Այցելել էր այն ժամանակվա պաշտպանության նախարար Էհուդ Բարաքը: Իսկ այժմ Իսրայելի պաշտպանության նախարարի այցը Թուրքիա տեղի է ունենում Իսրայելի խորհրդարանական ընտրություններին ընդառաջ:
Նշենք, որ տարեսկզբին մեկնարկած թուրք-իսրայելական հարաբերությունների կարգավորման գործընթացի շրջանակներում նախ մարտին Անկարա էր այցելել Իսրայելի նախագահ Իսհաք Հերցոգը, իսկ մայիսին Իսրայել էր մեկնել Թուրքիայի արտգործնախարար Մևլութ Չավուշօղլուն: Դրանից հետո էլ երկու երկրները փրոշում կայացրեցին ապա փոխադարձության սկզբունքով կրկին դեսպաններ նշանակեցին՝ դիվանագիտական հարաբերությունները վերադարձնելով նախկին մակարդակին:
Իսրայելական The Jerusalem Post-ը, հղում կատարելով իսրայելցի բարձրաստիճան պաշտոնյայի, գրել է, որ երկու երկրներն էլ իրենց շահերն են հետապնդում հարաբերությունների վերաակտիվացման հարցում: Իսրայելը հույս ունի դառնալ ռազմավարական ավելի ուժեղ խաղացող տարածաշրջանում, հատկապես Իրանի հարցում: Իսկ Թուրքիան դիտվում է որպես առանցքային դերակատար տարածաշրջանում՝ այդ թվում Սիրիայում, որտեղ Իսրայելը ավելի քան մեկ տասնամյակ աշխատում է՝ խափանելու Իրանի ծրագրերը Իսրայելի դեմ ռազմաբազա ստեղծելու համար:
Բարձրաստիճան պաշտոնյան նաև հավելել է, որ ՀԱՄԱՍ-ի առնչությամբ Իսրայելը շարունակելու է ճնշում գործադրել Անկարայի վրա, որը շարունակում է աջակցել ՀԱՄԱՍ-ի ահաբեկիչներին Իսրայելում հարձակումներ իրականացնելու համար:
Հիշեցնենք, որ երկու երկրների հարաբերությունները սրվել էին 2010-ին «Մավի Մարմարա» նավի միջադեպից հետո: Գազայի հատված մեկնող «Ազատության տորմիղի» միջադեպը, որի ժամանակ իսրայելցի հատուկջոկատայինները սպանել էին թուրքական «Մավի Մարմարա» նավում 9 թուրքի, հանգեցրեց Թուրքիայի և Իսրայելի միջև հարաբերությունների կտրուկ վատթարացմանն ու դիվանագիտական հարաբերությունների մակարդակի իջեցմանը:
Իսրայելի նոր կառավարության ձևավորումից հետո սկսվել է հարաբերությունների վերականգնման գործըթնաց, ինչի համատեքստում իրականացվում են երկու երկրների բարձրաստիճան պաշտոնյաների փոխայցելություններ:
Այս ենթաբաժնի վերջին նորությունները
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Գերմանիայի նախագահ Ֆրանկ-Վալտեր Շթայնմայերի Թուրքիայի կատարած այցը մեծ արձագանք է գտել գերմանական մամուլում:
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |