Տնտեսական12:50, 20 Հոկտեմբեր 2022
Թուրքիան ծրագրում է կառուցել 2-րդ ատոմակայանը
Ռուսաստանի ատոմային էներգիայի «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովը պետական հեռուստաեթերից հայտարարել է, որ իրենք արդեն սկսել են Թուրքիայի հետ բանակցել Սինոպ քաղաքի մերձակայքում ատոմակայան կառուցելու հարցի շուրջ։
«Տեխնոլոգիական դաշինքների, ներդրումային քաղաքականության և Թուրքիայի էներգետիկ շուկայի ձևավորման հարցերում մոտեցումներ մշակելու համար մենք բանակցում ենք թուրք գործընկերների հետ»,- նշել է Լիխաչովը՝ շեշտելով, որ Սինոպը գրավիչ վայր է 4 էներգաբլոկով մեծ ատոմակայան կառուցելու համար։
Պետք է նշել, որ Թուրքիան Սինոպում ատոմակայան կառուցելու համար տարիներ առաջ պայմանագիր էր եկել Ճապոնիայի հետ, բայց Ճապոնիան ծախսերի աճի պատճառով 2019-ին դադարեցրել է շինարարությունը և հայտարարել, որ իր օրակարգում այլևս չկա այդ ատոմակայանի շինարարությունը շարունակելու հարցը։
Բայցևայնպես Սինոպի ատոմակայանը եթե կառուցվի, ապա այն կլինի Թուրքիայի 2-րդ ատոմակայանը։ Առաջինը կառուցվում է Թուրքիայի Մերսին նահանգում՝ Միջերկրական ծովի ափին։ Ըստ նախագծի՝ պիտի ունենա 4 էներգաբլոկ և ապահովի երկրի էլեկտրաէներգիայի պահանջարկի մինչև 10 տոկոսը։ Նախագծի արժեքը գնահատվում է շուրջ 22 մլրդ դոլար։ Այն կառուցվում է ռուսական ֆինանսավորմամբ։ Շինարարությունն իրականացնում է «Ռոսատոմը»։
Անկարան և Մոսկվան ատոմակայանի կառուցման պայմանագիրը կնքել էին դեռևս 2010-ին։ Նախատեսվում է ատոմակայանը շահագործման հանձնել 2023-ին, երբ Թուրքիան նշելիս կլինի հանրապետության հիմնադրման 100-ամյակը։
Այս ենթաբաժնի վերջին նորությունները
Թուրքիայի արտահանողների խորհրդի տվյալներով՝ Գերմանիա արտահանումը նախորդ տարվա համեմատ աճել է 9․4%-ով՝ հասնելով 13․1 մլրդ դոլարի:
Յաշար Գյուլերը նշել է, որ վճռական են զարգացնել համագործակցությունը ռազմարդյունաբերության ոլորտում
Դա Թուրքիայում հանրային լայն քննարկումների առիրթ է դարձել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։
Թուրքիայի Դողուբեյազըթ քաղաք ժամանած լեռնագնացները տեղացի ուղեկցող Ջումա Սալթիքի առաջնորդությամբ փորձել են նվաճել լեռան գագաթը։
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |