Թուրք բժիշկների միության նախագահ. «Թուրքական բանակը քիմիական զենք է օգտագործել»

Ռազմական13:26, 20 Հոկտեմբեր 2022

Թուրք բժիշկների միության նախագահ. «Թուրքական բանակը քիմիական զենք է օգտագործել»

Թուրք բժիշկների միության նախագահ պրոֆեսոր Շեբնեմ Քորուր Ֆինջանջըն հայտարարել է, որ թուրքական բանակը «ահաբեկիչների» հետ բախումների ժամանակ քիմիական զենք է օգտագործել:

Թուրքական հեռուստալիքներից մեկին հյուրընկալված Ֆինջանջըն նշել է, որ ինքն այդ եզրակցությանը եկել է՝ զննելով է սպանված «ահաբեկիչների» (քուրդ զինյալների-խմբ.) մարմինները:

«Ավելի վաղ էլ եմ զննել: Նյարդային համակարգը ուղիղ ախտախարող գազերից մեկն է օգտագործվել: Քիմիական զենքի տարբեր տեսակներ կան, և չնայած դրանց օգտագործումն արգելված է, միևնույնն է տեսնում ենք, որ բախումների ժամանակ օգտագործվում է»,- ասել է թուրք պրոֆեսորը՝ ավելացնելով, որ դրա համար Թուրքիայի վերաբերյալ հետաքննություն պետք է իրականացվի:

Նշենք, որ այս հայտարարությանը կոշտ են արձագանքել Թուրքիայի իշխանությունները: Նախագահի գլխավոր խորհրդական ու խոսնակ Իբրահիմ Քալընը այս հայտարարությունը որակել է ահաբեկչական կազմակերպությունների կազմակերպած զրպարտություն:

Իշխող «Արդարություն և զարգացում» կուսակցության (ԱԶԿ-AKP) խոսնակ Օմեր Չելիքն էլ գրել է, որ թուրքական բանակին «զրպարտողները» նպատակ ունեն արդարացնելու ահաբեկչական կազմակերպության (Քրդստանի բանվորական կուսակցություն-ՔԲԿ/PKK) հանցագործությունները:

Աղբյուր` Haberler

Այս ենթաբաժնի վերջին նորությունները

15:44, 18 սեպ

Ո՞ր դեպքում Թուրքիան զորքերը դուրս կբերի Սիրիայից

Թուրքիայի պաշտպանության նախարարությունը հայտնել է, թե որ դեպքում երկրի զինված ստորաբաժանումները դուրս կբերվեն Սիրիայի տարածքից։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։