Իրավական16:22, 17 Հոկտեմբեր 2022
Դիարբեքիրի փաստաբանների պալատն արդարացվել է․ «Հայոց ցեղասպանություն» ասելը հանցագործություն չէ
1915-ին տեղի ունեցածը Հայոց ցեղասպանություն անվանելու համար Դիարբեքիրի փաստաբանների պալատի վարչակազմի դեմ հարուցված քրգործն ավարտվել է արդարացման վճիռով։
Փաստաբան Նուրջան Քայան հայտնել է, որ Դիարբեքիրի 11-րդ ծանր հանցագործությունների դատարանում կայացած նիստում ընդունվել է արդարացման որոշում։
Փաստաբանը մասնավորապես նշել է․ «Դիարբեքիրի փաստաբանների միության 2018-2020թթ․ վարչակազմի դեմ 1915-ը ցեղասպանություն անվանելու համար բացված գործի դատական նիստին ենք։ Պալատի նախկին նախագահ Ջիհան Այդընը պատմում է, թե ինչեր են կատարվել Դիարբեքիրում 1915 թվականին։ Այսինքն ասում է, որ այն, ինչը ցեղասպանություն է, ցեղասպանություն էլ անվանում ենք և մեր խնդիրն առերեսումն է ու ճշմարտության կոչը։
Դատախազն արդարացում պահանջեց՝ պատճառաբանելով, որ իր կարծիքով հանցագործության տարր և հանցագործություն կատարելու (պետությունը հրապարակավ նվաստացնելու) մտադրություն չի եղել։
Այսպիսով հանցակազմի բացակայության հիմքով կայացվեց արդարացման որոշում»։
Հիշեցնենք, որ նշյալ գործը հարուցված է եղել Թուրքիայի Քրեական օրենսգրքի 301-րդ հոդվածի հատկանիշներով։ Դրա համար պատճառ է ծառայել պալատի պաշտոնական կայքում տեղ գտած երկու առանձին հայտարարություն․ 2019թ․ ապրիլի 24-ին «1915․․․!» վերնագրով հրապարակված հայտարարությունը, ինչպես նաև 2019թ․ դեկտեմբերի 2-ին «Չենք վախենում և չենք լռելու» վերնագրով հայտարարությունը։
Վերջինս հրապարակվել է որպես արձագանք Դիարբեքիրի փաստաբանների պալատի 2017-2018թթ․ վարչակազմի դեմ կրկին ապրիլի 24-ին կատարված հայտարարության պատճառով հարուցված նույնաբովանդակ գործին։
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ըստ Մուրթա Բարդաքչըի՝ հայ և թուրք ժողովուրդների միջև «արյուն» է մտել, իսկ արյունը Արևելքում երբեք չի մոռացվում:
ԱՄՆ ֆինանսների և պետդեպարտամենտի կողմից հայտարարված նոր պատժամիջոցներն ընդհանուր առմամբ ուղղված են մոտ 300 ընկերությունների, անհատների և կազմակերպությունների դեմ:
Սպիտակ տունն օգտագործել է այս միջոցը՝ փորձելով արգելափակել այնպիսի ապրանքների առևտուրը, ինչպիսիք են միկրոչիպերը, որոնք ռուսական արդյունաբերությանն անհրաժեշտ են զենք ստեղծելու համար:
Տնտեսական համագործակցության և զարգացման կազմակերպությունը (OECD) հրապարակել է Թուրքիայի գնաճի կանխատեսումների վերաբերյալ զեկույց։
Թուրքիայի արտգործնախարարի հայտարարությունը մեծ արձագանք է գտել համաշխարհային մամուլում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |