Թստ թուրքական աղբյուրների՝ Ռուսաստանը թիրախավորել է Հալուք Բայրաքթարին

Տարածաշրջան16:41, 10 Հոկտեմբեր 2022

Թստ թուրքական աղբյուրների՝ Ռուսաստանը թիրախավորել է Հալուք Բայրաքթարին

Ուկրաինական մամուլին հղում տվող թուրքական աղբյուրները հայտնում են, որ ռուսական հետախուզությունը փորձել է Ուկրաինայի վարչապետ Դենիս Շմիհալի կեղծ կերպարանքով առցանց հանդիպում կազմակերպել թուրքական «Baykar Technology» ընկերության գլխավոր տնօրեն Հալուք Բայրաքթարի հետ։ Հանդիպումը, սակայն, կանխվել է ուկրաինական հետախուզության ջանքերով։

Միջադեպի վերաբերյալ տեսանյութ է հրապարակել Ուկրաինայի պաշտպանության նախարարության ռազմական հետախուզության վարչությունը՝ նշելով որ կանխվել է «Baykar Technology» գլխավոր տնօրեն Հալուկ Բայրաքթարի դեմ նախատեսված սադրանքը։

Կադրերում երևում է, որ ռուսական կողմը ներկայացել է Ուկրաինայի վարչապետ Դենիս Շմիհալի կեղծ կերպարանքով։ Այս մեթոդով ռուսական հետախուզությունը փորձել է հանդիպել թուրքական հարվածային ԱԹՍ-ներ արտադրող «Baykar Technology» ընկերության գլխավոր տնօրեն Հալուք Բայրաքթարի հետ։

Գիտակցելով ստեղծված իրավիճակը՝ հանդիպմանը միացել է ուկրաինական հետախուզությունը՝ որպես Բայրաքթարի քարտուղար։ Պնդում է արվում, որ ռուսական հետախուզությունը փորձել է խաթարել Թուրքիա-Ուկրաինա հարաբերությունները «deepfake» մեթոդով։

Ռուսական հետախուզական ծառայությունը հաճախ է օգտագործում «Deepfake» տեխնոլոգիան։ Այս մեթոդի շնորհիվ արհեստական ինտելեկտի միջոցով ստեղծվում են կեղծ դեմքեր ու ձայներ։

Աղբյուր` Ermenihaber.am

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։