Միջազգային11:22, 19 Օգոստոս 2022
Էրդողան. «Եվս մեկ անգամ ընդգծում եմ մեր աջակցությունը Ուկրաինայի տարածքային ամբողջականությանն ու ինքնիշխանությանը»։
Թուրքիայի նախագահ Ռեջեփ Թայիփ Էրդողանը ռուս-ուկրաինական պատերազմի մեկնարկից հետո առաջին անգամ է այցով գտնվում Ուկրաինայում։ Լվով քաղաքում նա մասնակցել է Ուկրաինայի նախագահ Վոլոդիմիր Զելենսկու և ՄԱԿ-ի գլխավոր քարտուղար Անտոնիո Գուտերեշի հետ եռակողմ ձևաչափով հանդիպմանը։ Այնուհետև կողմերը համատեղ ասուլիս են տվել։
Զելենսկին իր գոհունակությունն է հայտնել Էրդողանին՝ նշելով որ վերջինս այցն Ուկրաինա «հզոր երկրի հզոր աջակցության մասին վկայող ուղերձ է»։ Զելենսկին նաև շնորհակալություն է հայտնել, որ Թուրքիայի ու ՄԱԿ-ի միջնորդությամբ է ձեռք բերվել համաձայնություն Մոսկվայի ու Կիևի միջև հացահատիկի արտահանման հարցում։
Իր արձագանքի ժամանակ Էրդողանն ասել է.
«Զելենսկու հետ այսօրվա երկկողմ հանդիպումանը քննարկեցինք մեր երկրների միջև ռազմավարական գործընկերության մակարդակի հարաբերությունների բոլոր ասպեկտները։ Քննարկեցինք ներկա պայմաններում մեր համագործակցությունն ու համերաշխությունն առաջ մղելու հնարավորությունները։ Իհարկե, շուրջ 6 ամիս շարունակվող պատերազմը եղել է մեր խոսակցությունների հիմնական թեման։ Ես ևս մեկ անգամ ընդգծում եմ մեր աջակցությունը Ուկրաինայի տարածքային ամբողջականությանն ու ինքնիշխանությանը»։
Հույս հայտնելով, որ ռուս-ուկրաինական պատերազմը բանակցությունների սեղանի շուրջ կավարտվի՝ Թուրքիայի նախագահը միջազգային հանրությունը կոչ է արել ավելի մեծ պատասխանատվություն ստանձնել դիվանագիտական գործընթացը աշխուժացնելու համար։
«Մենք մեր մտահոգությունն ենք հայտնում Զապորոժիեի ատոմակայանի շուրջ շարունակվող բախումների վերաբերյալ։ Մենք չենք ցանկանում վերապրել նոր Չեռնոբիլ»,- ասել է Էրդողանը:
Ըստ Թուրքիայի նախագահի՝ պատերազմի սկզբից մինչև օրս Թուրքիան 98 բեռնատար մարդասիրական օգնություն է ուղարկել ուկրաինացի ժողովրդի հրատապ կարիքները հոգալու համար։ Նաև տեղեկացրել է, որ Թուրքիայում ժամանակավորապես ապաստան էլ գտել 320.000 ուկրաինացի:
Հայտնի է դարձել, որ Անկարայի և Կիևի միջև համաձայնագիր է ստորագրվել պատերազմի հետևանքով ավերված Ուկրաինայի ենթակառուցվածքների վերականգնման վերաբերյալ։ Պայմանագիրը ստորագրել են Թուրքիայի առևտրի ու Ուկրաինայի ենթակառուցվածքների նախարարները:
Վերակառուցման աշխատանքների կազմակերպման համար երկու երկրները ստեղծելու են հատուկ հանձնախումբ։ Վերջինս համակարգելու է Ուկրաինայի ճանապարհների, կամուրջների, ջրի և էլեկտրաէներգիայի ենթակառուցվածքների, հիվանդանոցների ու դպրոցների վերկակառուցման աշխատանքները։
Այս ենթաբաժնի վերջին նորությունները
Թուրքիայի նախագահը խոսել է F-16 ռազմական ինքնաթիռների ձեռք բերման հարցում նոր հնարավորության մասին:
Սպասվում է, որ Էրդողանը Նյու Յորքում կլոր սեղանի ձևաչափով կհանդիպի օտարերկրյա գործարարների և ներդրողների հետ։
ԱՄՆ Պետդեպարտամենտի մամուլի խոսնակը նշել է, որ ԱՄՆ-ը ողջունում է Ռուսաստանին՝ հացահատիկյանին համաձայնագրին վերադարձնելու Թուրքիայի և այլ երկրների գործադրած ջանքերը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
ԱՄՆ ֆինանսների նախարարության ահաբեկչության և ֆինանսական հետախուզության հարցերով քարտուղարի տեղակալը Հայտարարել է մի շարք երկրների նկատմամբ նոր պատժամիջոցների մասին:
Գուսմանը նաև «TАSS»-ի և «Россия 24» հեռուստաալիքի հետ համատեղ Թուրքիայի նախագահի կյանքի մասին վավերագրական ֆիլմ է նկարահանվել:
Աբդյուլազիզ Ալհաժիրի. «Կարծում եք ձեզնից վախենալո՞ւ եմ, ինչ է թե դուք ներքին գործերի նախարար եք»:
Թուրքիայի արհմիությունների համադաշնության կողմից հրապարակված տվյալների համաձայն՝ 4 անձից բաղկացած ընտանիքի կերակրման համար անհրաժեշտ է 13․334 լիրա։
2023-ի սեպտեմբերի սկզբից ի վեր Թուրքիան 7․000 և ավելի սիրիացի փախստական է արտաքսել Սիրիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |