Թուրքիայում իշխող ուժի պատգամավորը դատապարտել է ՄԱԿ-ի ԳԱ նախագահի այցը Հայոց ցեղասպանության հուշահամալիր

Քաղաքական16:16, 28 Հուլիս 2022

Թուրքիայում իշխող ուժի պատգամավորը դատապարտել է ՄԱԿ-ի ԳԱ նախագահի այցը Հայոց ցեղասպանության հուշահամալիր

Թուրքիայում իշխող «Արդարություն և զարգացում» կուսակցության (ԱԶԿ-AKP) խորհրդարանական խմբակցության ղեկավար, Բարթընից ընտրված պատգամավոր Յըլմազ Թունչն արձագանքել է ՄԱԿ-ի Գլխավոր ասամբլեայի նախագահ Աբդուլլա Շահիդի` Հայոց ցեղասպանության հուշահամալիր կատարած այցին։

Twitter-ի իր էջում Յըլմազ Թունչը մասնավորապես գրել է․

«Անպատասխանատվություն և սկանդալ է այն, որ ՄԱԿ-ի Գլխավոր ասամբլեայի 76-րդ նախագահ և Մալդիվների ԱԳ նախարար Աբդուլլա Շահիդը հայաստանյան [այցի] ծրագրում այցելել է այսպես կոչված ցեղասպանության հուշահամալիր։ ՄԱԿ-ի Գլխավոր ասամբլեայի նախագահությունը պահանջում է գործել արդար, անկողմնակալ և օրենքին համապատասխան։

Քաղաքական մանիպուլյացիայի միջոցով պատմական փաստերի և միջազգային իրավունքի խեղաթյուրումն անընդունելի է։ ՄԱԿ-ի բարձրագույն որոշում կայացնող մարմինը ներկայացվածություն, պատասխանատվություն և ուշադրություն է պահանջում։

Ես դատապարտում եմ Աբդուլլա Շահիդին, որը չի գործում ՄԱԿ-ի փորձառությանը և միջազգային իրավունքի նորմերին ու կանոններին համապատասխան»։

Աղբյուր` Ermenihaber.am

Այս ենթաբաժնի վերջին նորությունները

17:45, 12 սեպ

Ի՞նչ պայմանավորվածություններ են ձեռք բերել Ռուբինյաննն ու Քըլըչը

Երևանում կայացել է Հայաստանի և Թուրքիայի միջև կարգավորման գործընթացի հատուկ ներկայացուցիչների 6-րդ հանդիպումը։

15:46, 12 սեպ

Սերդար Քըլըչ. «Շնորհակալություն ջերմ ընդունելության համար»

Թուրքիա-Հայաստան հարաբերությունների կարգավորման հարցով հատուկ ներկայացուցիչը ժամանել է Հայաստան։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: