Ռազմական13:02, 19 Հուլիս 2022
Թուրքական կայք. «Հունական ու հրեական լոբբիները համագործակցում են Թուրքիայի դեմ»
Թուրքիային նոր սերնդի F-16 կործանիչների վաճառքի պայմանները խստացնող օրինագիծը Ներկայացուցիչների պալատում ընդունվել է հունական ու իսրայելական լոբբիստական ուժերի համատեղ ջանքերով: Այս մասին գրել է թուրքական «Akşam» իշխանամերձ թերթի կայքը՝ այդ համագործակցությունն անվանելով «կեղտոտ դաշինք»:
Թուրքական աղբյուրը հղում է արել հունական «Ekathimerini» թերթում հրապարակված «Թուրք-հունական լոբբիների պատերազմը Վաշինգտոնում» հոդվածին, որում խոսվում է այս հարցում հունական ու հրեական լոբբիստական ուժերի համագործակցության մասին:
Նշվում է, որ ԱՄՆ-ի նախագահ Ջո Բայդենի հավանությունը Թուրքիային կործանիչներ վաճառելուն շոկի է ենթարկել Հունաստանին, որից հետո հունական լոբբին նախաձեռնել է համագործակցություն հրեականի հետ: Արդյունքում ԱՄՆ կոնգրեսի դեմոկրատ անդամներ Ֆրենք Փալոնն ու Քրիս Փափասն օրակարգ են բերել կործանիչների վաճառքը նախապայմաններով իրականացնելու վերաբերյալ օրինագիծ, որն ընդունվել է քվեարկության արդյունքում:
Նախագծով կործանիչների վաճառքի գործընթացում 2 նախապայման է ավելացվում:
Նախապայմաններից մեկն այն է, որ վաճառքը պիտի իրականացվի ԱՄՆ-ի ազգային շահերին համապատասխան, մյուսը՝ պետք է երաշխիքներ տրվեն առ այն, որ կկանխարգելվի Թուրքիայի կողմից այդ կործանիչներով Հունաստանի տարածքում չարտոնված թռիչքներ իրականացնելը:
Նախատեսվում է, որ ԱՄՆ սենատի հավանության դեպքում այդ օրինագիծը կկցվի 2023 թվականի համար ընդունված ԱՄՆ-ի «Պաշտպանության ազգային հատկացումների մասին օրենքին»:
Այս ենթաբաժնի վերջին նորությունները
Ռազմգործողությունից առաջ Իրաքը Պակիստանից գնելու է 12 միավոր ռազմական ինքնաթիռ։
Նշվում է, որ զորավարժությունները կանցկացվեն Մարմարա, Էգեյան, Արևելյան Միջերկրական և Սև ծովերում։
Նշվում է, որ Թուրքիայի կողմից ահաբեկչական կազմակերպություն համարվող «Քուրդիստանի բանվորական կուսակցության (PKK) դեմ ամռանը գործողություն սկսելուց առաջ սահմանին կտեղակայվեն S-400-ները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մայիսի 15-ի գիշերը Թուրքիայի նախագահը շտապ նախագահական նստավայր է կանչել MİT ղեկավար Իբրահիմ Քալընին և Արդարադատության նախարար Յըլմազ Թունչին:
Միթաթ Չելիքփալան կարծիք է հայտնել թուրքական ընդդիմադիր «Cumhuriyet» թերթին:
Լիոնում Թուրքիայի գլխավոր հյուպատոսի ցուցամատով անհասկանալի ժեստը քննադատության է արժանացրել իշխող ԱԶԿ-ական պատգամավորը:
ԱՇԿ-ի նախագահ. «Եթե սրան ասում են արդիականություն, մենք էլ ասում ենք՝ թող որ խորտակվի այդպիսի արդիականության ընկալումը»:
Էրդողանը պարտվել է Սերբիայում, որտեղ հաղթել է ՌԴ նախագահ Վլադիմիր Պուտինը՝ հավաքելով՝ 80% ձայն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |