Էրդողանը Թուրքիայի միջնորդությունն է առաջարկել ռուս-ուկրաինական հարցում

Քաղաքական14:28, 12 Հուլիս 2022

Էրդողանը Թուրքիայի միջնորդությունն է առաջարկել ռուս-ուկրաինական հարցում

Թուրքիայի նախագահ Ռեջեփ Թայիփ Էրդողանը, հեռախոսազրույցներ ունենալով Ռուսաստանի նախագահ Վլադիմիր Պուտինի և Ուկրաինայի նախագահ Վոլոդիմիր Զելենսկիի հետ, քննարկել է ռուս-ուկրաինական հարցերը։

Էրդողանը նշել է, որ ժամանակն է եկել գործի անցնել Սև ծովում հացահատիկի արտահանման նպատակով անվտանգ միջանքների ձևավորման շուրջ ՄԱԿ-ի պլանի հետ կապված։

Զելենսկիի հետ զրույցում էլ շեշտել է, որ շարունակում են իրենց աշխատանքները ՄԱԿ-ի պատրաստած պլանի շուրջ՝ Ուկրաինայի հացահատիկային արտադրանքը համաշխարհային շուկա հասցնելու համար։

Նշելով, որ Ուկրաինայի և Ռուսաստանի միջև լուծումն ամեն դեպքում լինելու է դիվանագիտական ճանապարհով, ուստի և բանակցությունների սեղանը պետք է բաց մնա՝ Թուրքիայի առաջնորդը հայտնել է, որ իրենք պատրաստ են ստամբուլյան գործընթացին ցուցաբերել ցանկացած տեսակի անհրաժեշտ աջակցություն՝ ներառյալ միջնորդությունը։

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: