Քաղաքական12:48, 27 Հունիս 2022
Թուրքիայի գխավոր ընդդիմադիրը կոշտ ուղերձներ է հղել Սուդյան Արաբիային, Իսրայելին ու Հունաստանին
Թուրքիայի գլխավոր ընդդիմադիր ուժ համարվող քեմալականների «Ժողովրդահանրապետական» կուսակցության առաջնորդ Քեմալ Քըլըչդարօղլուն խոսել է Սաուդյան Արաբիայի, Իսրայելի ու Հունաստանի հետ Թուրքիայի ունեցած խնդիրների վերաբերյալ իր կուսակցության դիրքորոշման մասին:
2014-ին տեղի ունեցած Մավի Մարմարայի միջադեպի հետևանքով զոհված Թուրքիայի քաղաքացիներից մեկի ընտանիքին այցելելուց հետո Քըլըչդարօղլուն այս թեմայով մասնավորապես ասել է.
«Մավի Մարմարայի ժամանակ սպանված Չեթին Թոփչուօղլուի ընտանիքին այցելելուս նպատակն այս հարցում մեր ապագա կառավարության դիրքորոշման մասին անձամբ Մավի Մարմարայի զոհերի ընտանիքներին տեղեկացնելն է: Ես հավատում եմ տարածաշրջանում խոսքի իրավունք ունեցող և խելամիտ դիվանագիտություն վարող Թուրքիային, սակայն մենք կարմիր գծեր ունենք: Իսրայելին իմ ուղերձն այն է, որ այս խնդիրը մեզ համար փակված չէ»:
Իսկ Սաուդյան Արաբիայի մասին խոսելիս ընդդիմադիր կուսակցապետը հիշեցրել է 2018-ին Ստամբուլում տեղի ունեցած արաբ ընդդիմադիր լրագրող Ջեմալ Խաշոկջիի սպանության փաստը։ Լրագրողին, ըստ թուրքական ոստիկանության եզրակացության, սպանել, անդամահատել ու հետքերը կորցրել է Սաուդյան Արաբիայից Ստամբուլ ժամանած 15 հոգանոց դահիճներ խումբը:
«Ես մի քանի խոսք ունեմ նաև մեր երկիր ժամանած Բին Սալմանին (Սաուդյան Արաբիայի արքայազն): Մեր տարածքում սպանություն կատարելը իր գինն ունի: Նրա հետ էլ մեր հաշիվները փակված չեն: Էրդողանին կարող է մատերի վրա խաղացնել, բայց Թուրքիան մեծ պետություն է, և նա պատասխան է տալու մեր տարածքում արածների համար»,- ասել է Քըլըչդարօղլուն:
Էգեյան ծովում Թուրքիայի ափերին մոտ գտնվող հունական կղզիների ռազմականացման թեմայով էլ ասել է հետևյալը.
«Հունաստանի կողմից կղզիների ռազմականացման հարցում դիրքորոշումս շատ հստակ է: Հունաստանը «Քուվայի Միլլիյեն» (Kuva-yi Milliye-Թուրքիայի Հանրապետության հիմնադիր նախագահ Մուսթաֆա Քեմալ Աթաթյուրքի կողմից հիմնած ուժեր) լավ գիտի: Լուսահոգի Էջևիթին ու Էրբաքանին լավ գիտի: Թող էրդողանի հետ շարունակեն անպտուղ վեճը, դրան քիչ է մնացել: Այն ժամանակ (իրենց իշխանության գալուց հետո-խմբ.) կխոսենք կղզիները ռազմականացնելու և զենքը մեր քաղաքացիների վրա ուղղելու թեմայով»:
Այս ենթաբաժնի վերջին նորությունները
Վերջին օրերին, ըստ թուրքական մամուլում շրջանառվող լուրերի, Թուրքիայի զինված ուժերը պատրաստվում են նոր ռազմական գործողություն սկսել քրդական ուժերի դեմ՝ Հյուսիսային Իրաքում։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |