Իրանի ԱԳՆ խոսնակ. «Իրանի և Թուրքիայի միջև հարաբերությունները շատ բազմաշերտ և ռազմավարական են»

Տարածաշրջան17:33, 20 Հունիս 2022

Իրանի ԱԳՆ խոսնակ. «Իրանի և Թուրքիայի միջև հարաբերությունները շատ բազմաշերտ և ռազմավարական են»

Իրանի արտաքին գործերի նախարարության մամուլի խոսնակ Սաիդ Խաթիբզադեն մամուլի ասուլի ժամանակ անդրադարձել է օրակարգային մի շարք հարցերի, այդ թվում՝ Իրանի ԱԳ նախարար Հուսեյն Ամիր Աբդուլահիանի՝ Թուրքիա սպասվող այցին և թուրք-իրանական հարաբերություններին։

Խաթիբզադեն նշել է, որ Իրանի և Թուրքիայի միջև հարաբերությունները «շատ բազմաշերտ և ռազմավարական են»։

«Տարածաշրջանում մեր ամենակարևոր հարցերից մեկը Թուրքիայի հետ համագործակցությունն է։ Վերջին տարիներին Թուրքիայի հետ ունենք ամենալավ հարաբերությունները»,-նկատել է Խաթիբզադեն և հավելել, որ կողմերը փորձում են նշյալ այցի իրականացման համար հարմար ժամկետներ գտնել։ Նրա կարծիքով՝ Աբդուլահիանը Թուրքիա կմեկնի առաջիկա ժամանակահատվածում։

Խոսնակը, անդրադառնալով Թուրքիայի՝ Սիրիայում հնարավոր ռազմագործողություններին, ասել է. «Լրատվամիջոցների կողմից հնչեցված մեղադրանքներին պատասխանելու հարկ չկա: Սիրիայի վերաբերյալ կան որոշ տարաձայնություններ, և մենք փորձել ենք այդ հարցը լուծել այնպիսի մեխանիզմներով, ինչպիսին Աստանայի գործընթացն է»:

Նրա խոսքով՝ Աստանայում վերջին հանդիպման ժամանակ իրանական կողմը շեշտել է, որ պատերազմը ոչ մի կերպ լուծում չէ, և որ պետք է պահպանել Սիրիայի տարածքային ամբողջականությունը։

Խաթիբզադեն նաև նշել է, որ այդ ամենն իրենք հստակ հայտնել են նաև Թուրքիայի իրենց գործընկերներին։

Աղբյուր` Ermenihaber.am

Այս ենթաբաժնի վերջին նորությունները

16:47, 12 օգոս

Սիրիայի ընդդիմադիր խմբերն այրել են Թուրքիայի դրոշները

Թուրքիայի աջակցությունը վայելող «Սիրիայի ազատ բանակի» վերահսկողության ներքո գտնվող որոշ քաղաքներում հակաթուրքական բողոքի գործողություններ են կազմակերպվել՝ ի պատասխան Չավուշօղլուին։