Միջազգային16:28, 20 Հունիս 2022
Հնարավո՞ր է արդյոք, որ կնքվի Թուրքիա-Պակիստան-Ադրբեջան եռակողմ անվտանգության պայմանագիր
Թուրք վերլուծաբան Քյուրշաթ Քորքմազը Թուրքիայի պետական «Anadolu» լրատվական գործակալության համար գրած հոդվածում անդրադարձել է Թուրքիա-Ադրբեջան-Պակիստան եռակողմ համագործակցության հեռանկարներին:
Ըստ նրա՝ Քաշմիրի խնդիրը և Աֆղանստանում անկայունությունը շատ առումներով ազդում են Պակիստանի վրա, քանի որ Պակիստանը տարիներ շարունակ սահմանային խնդիրներ ունի Հնդկաստանի հետ: Քորքմազը հիշեցրել է, որ ղարաբաղյան խնդրի պատճառով Ադրբեջանը խնդիրներ ունի իր հարևան Հայաստանի՝ նշելով, որ 2020թ. 44-օրյա պատերազմի արդյունքում Ադրբեջանը «հայկական օկուպացիայից ազատագրել է իր տարածքի մի մասը»։
Վերլուծական հոդվածում նշվում է, որ Ադրբեջանը Հարավային Կովկասի տարածաշրջանում բարդություններ ունի Ռուսաստանի հետ՝ վերջինիս երկդիմի քաղաքականության և Հայաստանին ցուցաբերած աջակցության պատճառով: Բացի այդ, Իրանում «ադրբեջանցի թուրքերի» առկայությունը բացասաբար է ազդում Ադրբեջանի և Իրանի հարաբերությունների վրա։
Քորքմազը նաև նշում է, որ երեք երկրներն ունեն բավականին մեծ հնարավորություններ ընդհանուր անվտանգության քաղաքականության մշակման գործում: Անվտանգության եռակողմ պայմանագրի հիման վրա Թուրքիայի, Ադրբեջանի և Պակիստանի համախմբումը կարևոր զարգացում կլինի տարածաշրջանային և գլոբալ հավասարակշռության տեսանկյունից։
Թուրք վերլուծաբանի համոզմամբ՝ Թուրքիայի և Ադրբեջանի հետ Պակիստանի ընդհանուր աշխարհագրական սահման չունենալը թերություն չի հանդիսանում անվտանգության հնարավոր պայմանագրի հաստատման համար։ Այն փաստը, որ Պակիստանի բանակը պաշտպանական և ռազմական հզորությամբ 10-րդն է աշխարհի ուժեղագույն բանակների շարքում, իսկ Թուրքիայինը՝ 11-րդ տեղը, մեծացնում է անվտանգության պայմանագրի տարածաշրջանային և գլոբալ ազդեցությունը:
Զսպման առումով կարևոր պարամետրերից մեկն էլ թուրք վերլուծաբանը համարում է այն, որ Պակիստանը միջուկային զենք ունեցող աշխարհի 9 երկրներից մեկն է։
Թուրքական պետական լրատվական գործակալության միջոցով տարածվող այս թեզերի հեղինակը պնդում է, որ պետությունների ռազմական կարողությունները ներուժ ունեն զսպող գործոն ստեղծելու և նվազեցնելու սպառնալիքի մակարդակը։ Ամփոփելով եզրակացնում է, որ անվտանգության այդպիսի պայմանագրի կնքումը զգալի նպաստ կունենա համաշխարհային անվտանգության ապահովման գործում։
Այս ենթաբաժնի վերջին նորությունները
ԱՄՆ ազգային անվտանգության խորհրդի ռազմավարական հաղորդակցությունների համակարգող Ջոն Քիրբին անդրադարձելէ Թուրքիայի հնարավոր ռազմական գործողությանը Սիրիայում։
Թուրքիայի պաշտպանության նախարար Հուլիսի Աքարը հայտնել է, որ հուլիսի 13ին Ստամբուլում անցկացված թուրքական, ռուսական, ուկրաինական և ՄԱԿի պատվիրակությունների հանդիպմանը քննարկվել են ուկրաինական նավահանգիստներ
Դրանք ստորագրվել են Թուրքիայի նախագահ Ռեջեփ Թայիփ Էրդողանի և Մարիո Դրագիի նախագահությամբ ընթացած միջկառավարական գագաթնաժողովի նիստից հետո։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
«Ցանկանում եմ իմ անկեղծ ցավակցությունը հայտնել զոհվածի ընտանիքին և շուտափույթ ապաքինում մաղթել բոլոր նրանց, ովքեր վիրավորվել են այս ողբերգության հետևանքով»։
Կարո Փայլանը Երևանի «Սուրմալու» առևտրի կենտրոնում տեղի ունեցած հզոր պայթյունի կապակցությամբ ցավակցական գրառում է կատարել:
Աթիլա Յեշիլադա. «Ենթադրենք, Ռուսաստանից 50 միլիարդ դոլար եկավ։ Դա կօգնի՞ նախագահ Թայիփ Էրդողանին ընտրություններում հաղթել։ Չի՛ օգնի»։
Բանակցությունների նախաձեռնողն ԱՄՆ-ն է, իսկ նպատակը՝ «F-16»-երի մատակարարումը և արդիականացումը ամենասեղմ ժամկետներում իրականացնելը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |