Թուրքիան գրեթե ավարտին է հասցրել Սիրիա ներխուժելու նախապատրաստական աշխատանքները

Քաղաքական17:32, 27 Մայիս 2022

Թուրքիան գրեթե ավարտին է հասցրել Սիրիա ներխուժելու նախապատրաստական աշխատանքները

Թուրքական մամուլը շարունակում է ուշադրության կենտրոնում պահել Սիրիայում նոր ռազմական գործողություն սկսելու հնարավորությունը, որի մասին օրերս հայտարարել էր Թուրքիայի նախագահ Ռեջեփ Թայիփ Էրդողանը:

Թեմայի շուրջ ուշագրավ մանրամասներ է ներկայացրել թուրքական հեղինակավոր Haberturk լրատվամիջոցի անվտանգության և արտաքին քաղաքականության հարցերը համակարգող Չեթիներ Չեթինը:

Վերջինս նշում է, որ այս օրերին թուրքական ռազմական մեքենաները նախ հասել են թուրք-սիրիական սահմանին մոտ գտնվող Ադանա նահանգ, ապա տեղափոխվել սահմանամերձ շրջաններ:

«Նախապատրաստական աշխատանքների 90 տոկոսը ավարտին է հասցվել: Գործընթացի վերաբերյալ որոշումը պատկանում է Էրդողանին: Ռազմական գործողությունը սահմանափակվելու է Եփրատ գետի արևմտյան հատվածով: Թել Ռըֆաթը Թուրքիայի համար գլխացավանք է: Իսկ Եփրատից արևելք դրությունը այլ է: «Սիրիայի Ազատ բանակ» խմբավորման կազմում գտնվող արաբները ցանկանում են նաև Մանբիչը գրավել»,- նշել է Չեթինը:

Հիշեցնենք, որ Էրդողանը մայիսի 23-ին կայացած կառավարության նիստի ավարտից հետո ասուլիս էր տվել, որի ընթացքում հայտնել էր Սիրիայում նոր ռազմական գործողություն կսկսեն առաջիկայում:

Աղբյուր` T 24

Այս ենթաբաժնի վերջին նորությունները

19:35, 18 սեպ

Թուրքիան և Ճապոնիան համագործակցում են երկաթուղային տեխնոլոգիաների ոլորտում

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։