Քաղաքական13:30, 17 Մայիս 2022
Էրդողան. «Մենք «այո» չենք ասի Ֆինլանդիայի ու Շվեդիայի անդամակցությանը ՆԱՏՕ-ին»
Թուրքիայի նախագահ Ռեջեփ Թայիփ Էրդողանը նախօրեին կրկին խոսել է Ֆինլանդիայի ու Շվեդիայի՝ ՆԱՏՕ-ին միանալու նախաձեռնության նկատմամբ իրենց ունեցած վերաբերմունքի մասին: Լրագրողը հետաքրքրվել է Էրդողանից, թե Թուրքիան ինչ ակնկալիքներ ունի այդ հարցում այն դեպքում, երբ սպասվում է բարձրաստիճան պաշտոնյաների այց Անկարա Շվեդիայից ու Ֆինլանդիայից։
Թուրքիայի նախագահը նախ տեղեկացրել է, որ արտգործնախարարների մակարդակով արդեն իսկ որոշ քննարկումներ կայացել են այդ երկրների հետ, ապա մեղադրել Շվեդիային ու Ֆինլանդիային «ահաբեկչության վերաբերյալ հստակ դիրքորոշում չունենալու» մեջ՝ նկատի ունենալով «Քուրդիստանի բանվորական կուսակցության» (PKK-ՔԲԿ) որոշ համակիրների ապաստանելն այդ երկրներում:
Էրդողանը նաև նշել է, որ Ֆինլանդիայի և Շվեդիայի պատվիրակությունները կայցելեն Թուրքիա՝ քննարկելու ՆԱՏՕ-ին իրենց անդամակցության գործընթացը, սակայն դա չի փոխի Անկարայի դիրքորոշումը: Նրա խոսքով՝ Թուրքիան չի կարող հավատալ Ֆինլանդիայի ու Շվեդիայի հավաստիացումներին, եթե նրանք ասեն, որ չեն աջակցելու «ահաբեկիչներին», քանի որ այդ երկրները բազմիցս հայտարարել են, որ չեն արտահանձնելու այնտեղ գտնվող «ահաբեկիչներին»:
«Գալիս են մեզ հակառակը համոզելո՞ւ։ Թող իրենց նեղություն չտան։ Թուրքիան «այո» չի ասի մեր երկրի դեմ պատժամիջոցներ կիրառող երկրների անդամակցությանը։ Մենք չենք կարող «այո» ասել։ Այդ դեպքում ՆԱՏՕ-ն չի լինի անվտանգության կազմակերպություն, այլ կդառնա մի վայր, որտեղ կլինեն ահաբեկիչների բազմաթիվ ներկայացուցիչներ։ Հանրավոր չէ դրան «այո» ասել, թող չնեղանան»,- եզրափակել է Էրդողանը։
Այս ենթաբաժնի վերջին նորությունները
Հայաստանի ու Թուրքիայի արտգործնախարարությունները հանդես են եկել հայտարարությամբ:
Ռուբեն Ռուբինյանի և Սերդար Քըլըչի նախորդ հանդիպումը տեղի է ունեցել մայիսի 3-ին Վիեննայում:
Էրդողանի խոսքով, եթե սկանդինավյան երկու երկրները իրենց խոստումները չպահեն, ապա նրանց անդամակցությունը ՆԱՏՕ-ին նորից կհայտնվի հարցականի տակ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ոտքի վրա Էրդողանի և Բայդենի հետ ունեցած զրույցի ընթացքում Մեծ Բրիտանիայի նախագահը կատակելու նկատառումով թուրքերեն է խոսել՝ ասելով՝ «Օ՜, շատ լավ է»։
Հոդվածի հեղինակը նշել է, որ ՆԱՏՕ-ի հաջորդ քայլերը լինելու են Սև ծովի, Ուկրաինայի, Վրաստանի և միևնույն ժամանակ Հայաստանի ուղղությամբ։
Կանոնակարգի որոշ դրույթներ, ըստ Փայլանի պնդումների, հակասում են Լոզանի պայմանագրին:
Դռնփակ հանդիպմանը թուրքական կողմից ներկա են եղել նաև ուժային կառույցների ղեկավարները։
Միջազգային այս լրատվամիջոցների հասանելիությունը Թուրքիայում սահմանափակելու մասին որոշումը կայացրել է Անկարայի քրեական դատարանը։
Օրացույց
արտարժույթ
| EUR | TRY | USD |
| 549.84 | 90.05 | 485.12 |