Քաղաքական17:27, 26 Ապրիլ 2022
Գերմանացի նախարարները՝ Քավալայի դատավճռի մասին․ «Դա պատերազմի հայտարարում է Թուրքիայում ժողովրդավարության դեմ»
Գերմանիայի դաշնային կառավարության անդամները քննադատել են թուրքական դատարանի վճիռը գործարար, հասարակական գործիչ Օսման Քավալային ցմահ ազատազրկման դատապարտելու մասին։
Գերմանիայի արտաքին գործերի նախարար Անալենա Բերբոքը հայտարարել է, որ «դատարանի կայացրած վճիռն արմատապես հակասում է իրավական պետության չափանիշներին և միջազգային պարտավորություններին, որոնք Թուրքիան ընդունում է որպես Եվրոպայի խորհրդի անդամ և Եվրամիության անդամ դառնալու թեկնածու երկիր»։ Նա ընդգծել է, որ ակնկալում են, որ Քավալան անմիջապես ազատ կարձակվի։
Գերմանիայի մշակույթի նախարար Քլաուդիա Ռոթը ևս դատարանի որոշումը բնութագրել է որպես «անհեթեթ» և «ամեն առումով անհիմն»՝ շեշտելով, որ դա ակնհայտորեն քաղաքական որոշում է։
Ըստ Ռոթի՝ այդ վճիռն «անձնական վրեժխնդրություն է Օսման Քավալայի դեմ և պատերազմի հայտարարում Թուրքիայում հնարավոր ժողովորդավարության մշակույթի նկատմամբ»։ Նրա գնահատմամբ՝ դատարանի որոշմամբ հաստատվել է, որ Օսման Քավալան բանտում է հանուն Թուրքիայում ժողովրդավարության մշակույթի և թուրքական քաղաքացիական հասարակության։
Գերմանացի նախարարը Twitter-ում կատարած գրառման մեջ, իր հերթին, շեշտել է, որ Քավալան անմեղ է և անհրաժեշտ է, որ նա անմիջապես ազատ արձակվի։
Հիշեցնենք, որ Ստամբուլի 13-րդ ծանր հանցագործությունների դատարանը 2013 թ․ Ստամբուլի Գեզի զբուսայգու բողոքի ցույցերի գործով վճռել է Օսման Քավալային ցմահ ազատազրկման դատապարտել «Թուրքիայի կառավարությունը տապալելու կամ դրա գործունեությունը խոչընդոտելու փորձի» մեղադրանքով, իսկ մյուս 7 մեղադրյալներին՝ 18 տարվա ազատազրկման։
Այս ենթաբաժնի վերջին նորությունները
Նշենք, որ 2009-2015-ին Երխովը եղել է Ստամբուլում Ռուսաստանի գլխավոր հյուպատոս, իսկ Թուրքիայում ՌԴ դեսպան է նշանակվել 2017-ի հունիսի 19-ին։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Կողմերը քննարկել են Թուրքիայի պաշտպանական արդյունաբերության ներուժը, տեղական և ազգային հնարավորությունների զարգացումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Թուրքիայի կողմից 2019-ին ՌԴ-ից գնված, բայց գործնականում այդպես էլ չօգտագործված հակաօդային պաշտպանության համակարգերի շուրջ նոր զարգացումներ կան։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
Կողմերը քննարկել են Թուրքիայի պաշտպանական արդյունաբերության ներուժը, տեղական և ազգային հնարավորությունների զարգացումը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |