Սոցհարցումներն Էրդողանի ու նրա կուսակցության համար մտահոգիչ արդյունքներ են արձանագրում

Քաղաքական16:54, 20 Ապրիլ 2022

Սոցհարցումներն Էրդողանի ու նրա կուսակցության համար մտահոգիչ արդյունքներ են արձանագրում

Թուրքիայում 2023-ի հունիսին նախատեսված խորհրդարանական ու նախագահական ընտրություններին ընդառաջ սկսել են ավելի հաճախ հրապարակել տարբեր սոցհարցումների արդյունքներ:

Վերջին հարցումների տվյալներն ամփոփել են թուրքական «Gezici» (Գեզիջի) և «BUPAR» (Բուփար) սոցիոլոգիական ընկերությունների ղեկավարներ Մուրաթ Գեզիջին և Էրդալ Աքալթունը: Այդ տվյալները ցուց են տալիս, որ ընտրողների շրջանում ավելի հաստատուն են դառնում տրամադրությունների որոշակի փոփոխությունները, որոնք ներկայում ընդդիմության օգտին են:

Ըստ «Գեզիջի» ընկերության հարցումների՝ ընտրությունների 2-րդ փուլ լինելու դեպքում այս պահին նախագահ Ռեջեփ Թայիփ Էրդողանին պատրաստ է իր ձայնը տալ հարցվածների 47.2%-ը, իսկ գլխավոր ընդդիմադիր «Ժողովրդահանրապետական» կուսակցության առաջնորդ Քեմալ Քըլըչդարօղլուին ձայն կտա հարցվածների 52.8%-ը:

Սոցիոլոգիական ընկերության ղեկավարի խոսքով՝ վերջին շրջանում տեղի ունեցած եկամուտների կրճատումից, գնաճից ու գործազրկության ավելացումից հետո ժողովրդի 68.9%-ը կարծում է, որ Էրդողանի գլխավորած «Արդարություն և զարգացում» կուսակցությունը (AKP-ԱԶԿ) արդեն չի կարողանում կառավարել երկիրը:

Ըստ Գեզիջիի՝ Էրդողանն էլ ժողովրդի շրջանում արդեն կորցրել է նախկինում ունեցած այնպիսի գործչի կերպարը, որը կարող է իրականացնել իր տված բոլոր խոստումները:

«BUPAR»-ի ղեկավար Էրդալ Աքալթուն էլ նմանատիպ կարծիք է հայտնել, ասելով, որ աղքատության տոկոսի աճի հետևանքով անհանգստություններ են առաջանում ապագայի վերաբերյալ, իսկ դրա լուծումը ժողովուրդն արդեն տեսնում է ԱԶԿ-ի հեռանալով:

Նրա խոսքով՝ առաջիկա նախագահական ընտրություններում Էրդողանի դեմ պայքարելու իրական հնարավորություններ ունեն Ստամբուլի ներկայիս ԺՀԿ-ական ընդդիմադիր քաղաքապետ Էքրեմ Իմամօղլուն և նույն կուսակցությունից ընտրված Անկարայի քաղաքապետ Մանսուր Յավաշը:

Աղբյուր` Artıgerçek

Այս ենթաբաժնի վերջին նորությունները

17:52, 03 հուն

Թուրքիայի խորհրդարանում ընտրվելու է նոր նախագահ

Թուրքիայում իշխող «Արդարություն և զարգացում կուսակցությունը» (AKP) որպես թեկնածու է առաջադրել ներկայիս խորհրդարանի նախագահ, Ստամբուլի պատգամավոր Նուման Քուրթուլմուշին:

15:46, 03 հուն

Իսրայելի հետ հարաբերությունները՝ մարտահրավեր թուրք-ադրբեջանական «եղբայրությանը»

Մայիսի վերջին մի խումբ ակտիվիստներ Ստամբուլում բողոքի ակցիա են իրականացրել Ադրբեջանի պետական նավթային ընկերության՝ SOCAR-ի գրասենյակի առջև։

11:53, 03 հուն

Ֆիդանն անդրադարձել է Թուրքիա-ՌԴ-Ուկրաինա եռակողմ հանդիպման արդյունքներին

Թուրքիայի ԱԳ նախարարի խոսքով, հանդիպման ժամանակ համաձայնություն է ձեռք բերվել շարունակել պատրաստությունները՝ առաջնորդների մակարդակով հանդիպման համար հող ստեղծելու ուղղությամբ։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում ակցիա է իրականացվել Մեծամորի ատոմակայանի փակման կոչով

Ակցիայի մասնակիցները նշել են, որ Իգդիրն այժմ շատ է վնաս կրում Մեծամորի ԱԷԿ-ի պատճառով։

Անկարայում ոճրագործ Թալեաթ փաշային նվիրված հուշատախտակ է բացվել

Հուշատախտակի բացման նախաձեռնողը Թուրքիայի գլխավոր ընդդիմադիր, քեմալական «Ժողովրդահանրապետական կուսակցություն»-ից ընտրված Անկարայի քաղաքապետ Մանսուր Յավաշն է: