Միջազգային14:19, 14 Ապրիլ 2022
ԱՄՆ Պետդեպի խոսնակը պատասխանել է Թուրքիային վերաբերող հարցերին
ԱՄՆ Պետդեպարտամենտի խոսնակ Նեդ Փրայսն ամենօրյա ասուլիսում պատասխանել է Թուրքիային վերաբերող հարցերին։ «Կվերացվե՞ն արդյոք Թուրքիայի դեմ CAATSA-ի պատժամիջոցները» հարցին ի պատասխան՝ Փրայսը ասել է. «Ես դրա պատասխանը չունեմ: Ինչպես գիտեք, CAATSA-ի պատժամիջոցները սահմանված են օրենքով: Թուրքական S-400 համակարգերի հետ կապված մեր մտահոգությունների վերբերյալ մենք բանակցություններ ենք վարում թուրք դաշնակիցների հետ: Սրանից զատ հավելելու ոչինչ չունեմ»:
Իսկ այն հարցին, թե, արդյոք ԱՄՆ-ի համար ընդունելի՞ է, որ Թուրքիան հրաժարվի Ռուսաստանի դեմ պատժամիջոցներ կիրառելուց, Պետդեպի խոսնակն արձագանքել է. «Թուրքիան ՆԱՏՕ-ի կարևոր դաշնակիցն է, իսկ ՆԱՏՕ-ի երկրները սերտորեն համակարգում են աջակցության տարբեր ձևերը: Զգալիորեն նպաստել է ուկրաինացի ժողովրդին աջակցելու և Ռուսաստանին պատասխանատվության ենթարկելու գործում»։
Փրայսը նաև նշել է, որ Թուրքիան առանցքային դեր է ունեցել ռուսներին և ուկրաինացիներին բանակցության սեղանի շուրջ բերելու հարցում, թեև մինչ օրս ձեռնարկված ջանքերից ոչ մեկը դիվանագիտական մեծ հաջողություն չի գրանցել՝ լինի դա Թուրքիայի, Ֆրանսիայի, Գերմանիայի, Իսրայելի թե այլ երկրների կողմից:
Ճշգրտող հարցին, թե ընդունում եք, որ Թուրքիան պատժամիջոցներ չի կիրառում Ռուսաստանի դեմ, հետևել է Փրայսի այս պատասխանը.
«Ես չգիտեմ` Թուրքիայի կողմից կա՞ն արդյոք պատժամիջոցների խախտումներ, սակայն Թուրքիան զգալի ներդրում է ունեցել: Կրկնում եմ` Թուրքիան ՆԱՏՕ-ի կարևոր դաշնակիցն է, և այս համատեքստում նա դիմակայել է ռուսական ագրեսիային և զգալի ներդրում է ունեցել ուկրաինացի ժողովրդին աջակցելու գործում»։
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |