Թուրք տնտեսագետ. «Այս պահին Թուրքիան հիպերինֆլյացիայի եզրին է»

Տնտեսական16:11, 12 Ապրիլ 2022

Թուրք տնտեսագետ. «Այս պահին Թուրքիան հիպերինֆլյացիայի եզրին է»

Թուրք տնտեսագետ Սելչուք Գեչերն անդրադարձել է Թուրքիայի ֆինանսական շուկայի վատթար վիճակին։ Նրա դիտարկմամբ՝ այս պահին Թուրքիան գտնվում է հիպերինֆլյացիայի եզրին:

Հիպերինֆլյացիա - գների մակարդակի կտրուկ աճ

«Դոլարի փոխարժեքը հասել է 15 լիրայի: Ի՞նչ տարբերություն արտարժույթը 15.40 լիրա է, թե՞ 15, տարբերությունը չնչին է: Մինչ մեր աչքին դոլարը 14-15 լիրա է երևում, շուկայում դրա իրական փոխարժեքը 22-23 լիրա է»,- նշում է Գեչերը՝ դոլարի և ոսկու վերաբերյալ ուշագրավ հայտարարություններ անելով իր Youtube-յան ալիքում։

Տեղեկացնելով, որ Թուրքիայի վիճակագրական ինստիտուտը (TÜIK) հրապարակում է ոչ ճշգրիտ տվյալներ, իսկ գնաճի թվերն էլ խիստ կասկածելի են՝ Գեչերը շեշտում է այն հանգամանքը, որ Թուրքիան օրեցօր աղքատանում է։

«Սխալ տվյալների պատճառով աղքատացել ենք ոչ միայն այս ամիս, այլև անցյալ տարի։ Պարենի և էներգիայի ծավալները նվազում են։ Թուրքիան գտնվում է հիպերինֆլյացիայի շեմին»։

Քննադատելով Էրդողանի ղեկավարած իշխող ուժի պետական քաղաքականությունը՝ Գեչերը դժգոհում է. «Ինչո՞ւ եք ձեր թոշակառուին այնպես վերաբերվում, ասես նա 2-րդ կարգի մահկանացու է: Ինչո՞ւ եք ձեր աշխատողի հետ այնպես վարվում, ասես նա ցածր մակարդակի մարդ է: Եվ, վերջապես, ինչո՞ւ եք գյուղացուն անգրագետի պես վերաբերվում»։

Աղբյուր` artigercek.com

Այս ենթաբաժնի վերջին նորությունները

15:13, 08 մայ

Թուրքիան Սոմալիում 20 մլրդ բարել նավթային պաշար է հայտնաբերել

Ըստ Սոմալիի և Թուրքիայի միջև կնքված նավթային ոլորտի համագործակցության համաձայնագրի՝ ստացված եկամուտների 30 տոկոսը պատկանում է թուրքական կողմին։

12:56, 08 մայ

Քննարկվել է Թուրքիա-Վրաստան առևտրային համագործակցությանը վերաբերող հարցեր

Թուրքիայի Ռիզե նահանգի փոխնահանգապետն ընդունել է Բաթումիում Թուրքիայի գլխավոր հյուպատոսի և Աջարիայի առևտրաարդյունաբերական պալատի նախագահի պատվիրակությանը։