Էրդողանի խոսնակը մանրամասներ է բացահայտել Էրդողան-Պուտին հեռախոսազրույցից

Քաղաքական12:47, 18 Մարտ 2022

Էրդողանի խոսնակը մանրամասներ է բացահայտել Էրդողան-Պուտին հեռախոսազրույցից

Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը որոշ մանրամասներ է բացահայտել Թուրքիայի նախագահի և Ռուսաստանի նախագահ Վլադիմիր Պուտինի վերջին հեռախոսազրույցից:

BBC-ին տված հարցազրույցում նա հայտնել է, որ երկու ղեկավարների հեռախոսազրույցի ընթացքում Պուտինը ներկայացրել է ուկրաիանական հարցում Ռուսաստանի պահանջները, որոնք դասակարգվում են 2 խմբում:

Ըստ Քալընի՝ պահանջների մի խմբի շուրջ կողմերի միջև համաձայնությունը կարող է իրատեսական լինել: Այդ պահանջները չորսն են՝

1. Ուկրաինայի չեզոք կարգավիճակ,

2. զինաթափում կամ ապառազմականացում,

3. ապանացիֆիկացում,

4.ռուսերենի հատուկ կարգավիճակ:

Ըստ թուրքական կողմի՝ Ուկրաինայի նախագահ Վլադիմիր Զելենսկու համար պահանջների այս խումբը կարող է ավելի հեշտ ընդունելի լինել, քան մյուս խումբը:

Քալընի փոխանցմամբ՝ Պուտինը ցանկանում է, որ Արևելյան Ուկրաինայի մի հատվածը միացվի Ռուսաստանին, Իսկ Զելենսկին էլ ընդունի, որ Ղրիմը ռուսական տարածք է:

Քալընը նաև նշել է, որ Պուտինը կարծում է, որ այս հարցերը կարող են լուծվել միայն Զելենսկու հետ դեմառդեմ հանդիպման ու քննարկման միջոցով:

Էրդողանի խոսնակը կարծիք է հայտնել, որ պայմանավորվածության հասնելու համար դեռ մի քանի շաբաթ կարող է պահանջվել:

Աղբյուր` Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։