Էրդողանին վիրավորելու մեղադրանքով թուրք լրագրողը դատապարտվել է 2 տարի 4 ամիս ազատազրկման

Հասարակական16:06, 11 Մարտ 2022

Էրդողանին վիրավորելու մեղադրանքով թուրք լրագրողը դատապարտվել է 2 տարի 4 ամիս ազատազրկման

Ստամբուլի 36-րդ առաջին ատյանի քրեական դատարանը 2 տարի 4 ամիս ազատազրկման է դատապարտել թուրք լրագրող Սեդեֆ Քաբաշին։ Դատարանը, սակայն, հաշվի առնելով պատժի չափը և Քաբաշի՝ կալանքի տակ գտնվելու տևողությունը, պայմանականորեն ազատ է արձակել նրան։

Քաբաշի նկատմամաբ մեղադրանք էր առաջադրվել երկու՝ «Թուրքիայի նախագահին վիրավորելու» և «պետական պաշտոնյային (Թուրքիայի ներքին գործերի նախարար Սուլեյման Սոյլույին և տրանսպորտի ու ենթակառուցվածքների նախարար Ադիլ Քարաիսմաիլօղլուին-խմբ․) վիրավորելու» հոդվածներով։ Լրագրողը, սակայն, մեղավոր է ճանաչվել միայն Թուրքիայի նախագահ Ռեջեփ Թայիփ Էրդողանին վիրավորելու համար։

Հիշեցնենք, որ Սեդեֆ Քաբաշը ձերբակալվել էր հունվարի 22-ին։ Նրա դեմ հետաքննություն էր սկսվել, քանի որ Թուրքիայի նախագահին ուղղված վիրավորանք էր դիտարկվել հունվարի 14-ին թուրքական «Tele1» հեռուստաալիքի ուղիղ եթերում նրա արած արտահայտությունը։ Քաբաշը մասնավորապես ասել էր․ «Երբ խոշոր եղջերավոր կենդանին պալատ է մտնում, նա չի դառնում թագավոր, բայց այ պալատը դառնում է գոմ»։

Աղբյուր` TRT haber

Այս ենթաբաժնի վերջին նորությունները

13:43, 23 սեպ

Գործազրկությունը Թուրքիայում

8 ամսյա ժամանակահատվածում միջինացված տվյալներով ամեն օր աշխատանքը կորցրել է 4.608 մարդ։

11:30, 22 սեպ

Թուրք հաղորդավար. «1915-ին հայերը ենթարկվել են մեծ հալածանքների»

Թուրքական «Tele1» լրատավական ալիքի հաղորդավար Էնվեր Այսևերը հայտնվել է սկանդալի մեջ։

16:19, 12 սեպ

Թուրքիայում սիրիացի փախստականները ծրագրում են շարասյուն կազմել և հասնել ԵՄ սահմաններ

Նշվում է, որ շարասյուն կազմելու ծրագրերը նախապատրաստվում են վիրտուալ միջավայրում՝ 6 օր առաջ ստեղծված և արդեն 70.000 հետևորդ ունեցող Telegram ալիքի միջոցով։