ԱՄՆ կոնգրեսականը կոչ են անում ղեկավարությանը կանխել F-16-երի վաճառքը Թուրքիային

Քաղաքական13:57, 10 Փետրվար 2022

ԱՄՆ կոնգրեսականը կոչ են անում ղեկավարությանը կանխել F-16-երի վաճառքը Թուրքիային

ԱՄՆ Կոնգրեսի Հայկական հարցերով հանձնախմբի համանախագահ Ֆրենկ Փալոնը և կովկասա-հունական հանձնախմբի ղեկավար, նույնպես կոնգրեսական, Մայքլ Բիլիրակիսը նամակ են հղել Պենտագոնի և Պետքարտուղարության ղեկավարներին, որպեսզի Վաշինգտոնը Թուրքիային չվաճառի արդիականացված F-16 կործանիչներ:

Ավելի վաղ Թուրքիան դիմել էր ԱՄՆ-ին՝ 40 միավոր F-16 կործանիչ գնելու, ինչպես նաև իր ունեցած մոտ 80 ամերիկյան կործանիչներն արդիականացնելու համար: Այս գործընթացը սկսեց այն բանից հետո, երբ ԱՄՆ-ն Թուրքիաjiն դուրս թողեց գերժամանակակից F-35 կործանիչների ծրագրից: Նման կերպ պետք է փոխհատուցվեր այն գումարը, որը Թուրքիան վճարել էր F-35-ների ծրագրի համար:

Հղված նամակում կոնգրեսականները Պենտագոնի ու Պետքարտուղարության ղեկավարներին խորհուրդ են տվել մերժել Թուրքիային այդ ինքնաթիռները վաճառելու և արդիականացնելու առաջարկը:

Նշվել է, որ նման կործանիչների վաճառքը Թուրքիային, չի ստիպի, որ այդ երկրի նախագահ Ռեջեփ Թայիփ Էրդողանը փոխի այն քաղաքականությունը, որն այժմ իրականացնում է: Ասվել է, որ Էրդողանը ոչ լեգիտիմ ճանապարհով է ընտրվել վերջին նախագահական ընտրություններում:

Ըստ նրանց՝ Թուրքիան չի փոխի իր քաղաքականությունը քանի դեռ Վաշինգտոնը չի կիրառել դիվանագիտական միջոցներ, ինչպես նաև պատժամիջոցներ:

Ասվել է, որ Էրդողանի շարունակում է խախտել մարդու իրավունքները և ճնշել հասարակությանը:

Հիշեցվել է նաև այն, որ թուրքական բանակը ապակայունացնող գործոն է տարածաշրջանում: Որպես օրինակ հիշեցվել է, որ թուրքական բանակը իր մասնակցությունն է ունեցել Հարավային Կովկասում, Իրաքում, ՍԻրիայում, Միջերկրական ծովի ավազանում իրավիճակի ապակայունացման մեջ:

Նաև խոսվել է, որ թուրքական բանակը օգտագործել է ամերիկյան ռազմատեխնիկա Լեռնային Ղարաբաղում, Սիրիայում, Իրաքում քաղաքացիական օբյեկտները հրթիռակոծելու ժամանակ:

Աղբյուր` A Haber.com.tr

Այս ենթաբաժնի վերջին նորությունները

13:35, 10 հուլ

ԱՄՆ-ն պատժամիջոց է սահմանել Թուրքիայում գործող էներգետիկ ընկերության դեմ

Պատճառն այն է, որ «Pulcular Enerji» ընկերությունն իրանական նավթի գնման գործարքների մեջ է եղել։

11:22, 10 հուլ

Ֆիդանը խոսել է տարածաշրջանում Թուրքիա-Պակիստան-Ադրբեջան համագործակցության մասին

Թուրքիայի արտաքին գործերի նախարարը և Պակիստանի արտաքին գործերի նախարարը հանդես են եկել մամուլի ասուլիսով։

16:37, 09 հուլ

Աբդուլլահ Օջալան. «PKK-ի շարժման էջը փակված է»

«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված