Քաղաքական15:47, 09 Փետրվար 2022
Թուրքական թերթ. «Հայաստանի, Իսրայելի ու ԱՄԷ-ի ուղղությամբ լուրջ քայլեր են արվելու»
Թուրքական «Gazetevatan» թերթի կայքը հոդված է հրապարակել, որում անդրադարձ է կատարվում Հայաստանի, Իսրայելի ու Արաբական Միացյալ Էմիրությունների (ԱՄԷ) հետ հարաբերությունների կարգավորմանը միտված Անկարայի նախաձեռնություններին և այդ համատեքստում առաջիկայում կատարվելիք քայլերին:
«2022-ի դիվանագիտությունում գարնանային կարգավորումներ. Հայաստանի, Իսրայելի ու ԱՄԷ-ի ուղղությամբ լուրջ քայլեր կարվեն» հոդվածում նշվում է, որ գարնան ամիսներին արդեն կձևավորվեն այն գործընթացները, որոնք Թուրքիան սկսել է խնդրահարույց դիվանագիտական հարաբերություններով երկրների հետ:
«Հատուկ ներկայացուցիչների միջոցով Հայաստանի հետ սկսված քննարկումների, ինչպես նաև Իսրայելի հետ հարաբերությունների կարգավորման գործընթացի ճակատագիրը կորոշվի առաջիկա ամիսներին»։
Այնուհետև թուրքական լրատվամիջոցը հանգամանորեն անդրադարձել է այդ 3 գործընթացներին առանձին-առանձին։
ԻՍՐԱՅԵԼ
Թերթը հիշեցնելով, որ օրերս Իսրայելի նախագահ Իսհաք Հերցոգը զանգահարել և հետաքրքրվել էր կորոնավիրուսով վարակված Թուրքիայի նախագահ Ռեջեփ Էրդողանի առողջությամբ, նշել է, որ սա վկայում է գործընթացի առկայության մասին: Բացի դրանից նախորդ ամիս Անկարայում հանդիպում է տեղի ունեցել Էրդողանի խոսնակ և գլխավոր խորհրդական Իբրահիմ Քալընի ու Իսրայելի ԱԳՆ-ի 1-ին տեղակալի միջև: Հունվարի 13-ին էրդողանը հեռախոսազրույց է ունեցել Հերցոգի հետ, 20-ին էլ ԱԳՆ Մևլութ Չավուշօղլուն Իսրայեի պաշտոնակից Լապիդի: Մարտին էլ սպասվում է Իսրայելի նախագահի այցը Թուրքիա:
ՀԱՅԱՍՏԱՆ
Հայաստանի հետ կարգավորման վերաբերյալ թերթը նախ նշում է, որ 2 երկրների հատուկ ներկայացուցիչների 2-րդ հանդիպումը տեղի կունենա փետրվարի 24-ին Վիեննայում, ապա հավելում, որ ըստ լուրերի՝ առաջին հանդիպումների ընթացքում երկխոսությանը միտված քայլեր իրականացնելուց հետո բուն բանակցությունները տեղի կունենան Ստամբուլում և Երևանում:
ԱՐԱԲԱԿԱՆ ՄԻԱՑՅԱԼ ԷՄԻՐՈւԹՅՈւՆՆԵՐ
Նշվում է, որ ԱՄԷ-ի հետ հարաբերություններում էլ սառույցը զգալի չափով հալվել է, և արդեն տեղի է ունեցել մեջլիսի նախագահ Մուսթաֆա Շենթոփի այլցը ԱՄԷ, Փետրվարի 14-15-ին էլ սպասվում է Էրդողանի այցն այդ երկիր:
Թերթը մեկ նախադասությամբ անդրադարձել է նաև Եգիպտոսի հետ Թուրքիայի հարաբերություններին՝ նշելով որ դրանց կարգավորուման գործընթացն ավելի երկար ժամանակ կպահանջի:
Վերջում էլ թերթը հիշեցրել է, որ Հայաստանի ու Իսրայելի արտգորնախարարները հրավիրվել են մարտի 11-13-ն անցկացվելիք Անթալիայի դիվանագիտական ֆորումին ու հավելել, որ հունվարի 24-ին արած հայտարարութան մեջ ՀՀ վարչապետ Փաշինյանը նշել է ֆորումին մասնակցելու մեծ հավանականության մասին:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ հարցով հանդիպել են թուրք և իրանցի պաշտոնյանները։
Ջևդեթ Յըլմազ. «Միջանցքի բացմամբ Հարավային Կովկասում ի հայտ եկող նոր լոգիստիկ ցանցերը կբարձրացնեն նրա ռազմավարական դերը էներգետիկ անվտանգության տեսանկյունից»:
Սերդար Քորուջուն խոսել է հայ-թուրքական հարաբերություններում վերջին զարգացումներից։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |