Էրդողանի խոսնակը և Բայդենի խորհրդականն անդրադարձել են ՀՀ-Թուրքիա հարաբերություններին

Քաղաքական09:38, 02 Փետրվար 2022

Էրդողանի խոսնակը և Բայդենի խորհրդականն անդրադարձել են ՀՀ-Թուրքիա հարաբերություններին

Թուրքիայի նախագահի մամուլի խոսնակ (նաև խորհրդական) Իբրահիմ Քալընը հեռախոսազրույց է ունեցել ԱՄՆ նախագահի ազգային անվտանգության հարցերով խորհրդական Ջեյք Սալիվանի հետ: Այդ մասին հաղորդագրություն է տարածել Թուրքիայի նախագահականը։

Հեռախոսազրույցի ընթացքում քննարկվել են երկկողմ հարաբերություններին, մասնավորապես՝ քաղաքականությանը, տնտեսությանը և պաշտպանությանն առնչվող հարցեր։ Քալընը և Սալիվանը քննարկել են Թուրքիայի և ԱՄՆ-ի համաձայնեցրած համատեղ ռազմավարական մեխանիզմների մանրամասները և գլխավոր կետերը։

Համաշխարհային և տարածաշրջանային խնդիրների շրջանակում զրուցակիցները մտքեր են փոխանակել Ուկրաինայի ճգնաժամի, Հայաստանի հետ հարաբերությունների կարգավորման գործընթացի վերաբերյալ։

«Քննարկվել են ուկրաինական ճգնաժամը երկխոսության և համագործակցության միջոցով լուծելու ջանքերը։ Ընդգծվել է, որ Թուրքիան որպես ՆԱՏՕ դաշնակից կշարունակի ամեն տեսակի աջակցություն ցուցաբերել ճգնաժամի հաղթահարման համար»։

Նաև նշվել է, որ Թուրքիա-Հայաստան կարգավորման գործընթացը և Ադրբեջանի ու Հայաստանի միջև տևական խաղաղության հաստատումը կարևոր է տարածաշրջանի կայունության և բարօրության համար։

Աղբյուր` Sabah.com.tr

Այս ենթաբաժնի վերջին նորությունները

15:12, 06 դեկտ

Բոսֆորի ափերին նավթատար նավերի խցանում է առաջացել ռուսական նավթի էմբարգոյի պատճառով

Թուրքիայում ստուգում են բոլոր նավերի լիարժեք ապահովագրության մասին նոր փաստաթղթերը:

11:19, 06 դեկտ

Չավուշօղլուն հերթական անգամ հաստատել է հայ-թուրքական գործընթացի կախվածությունը հայ-ադրբեջանականից

Չավուշօղլուն հերթական անգամ անդրադարձել ՀՀ-ի հետ տարվող գործընթացներին:

10:56, 06 դեկտ

Թուրքիայի պաշտպանության նախարարն այցելել է Ադրբեջանում

Աքարը խոսել է նաև Հայաստանի հետ իրականացվող գործընթացների մասին, պնդելով, որ հայկական կողմը է գնահատի Ադրբեջանի և Թուրքիայի միասին պարզված «խաղաղության ձեռքը»: