Ռազմական18:34, 24 Հունվար 2022
Wall Street Journal. «Ինչ է լինելու Թուրքիային F-16 կործանիչներ վաճառելու հարցը»
Ամերիկյան հայտնի «Wall Street Journal» թերթն առանձին հոդվածով անդրադարձել է ԱՄՆ-ի վարչակազմի կողմից Թուրքիային F-16 կործանիչներ վաճառելու մտադրության «ճակատագրին»:
Վերլուծաբանների կարծիքով այս գործարքի իրականանալու դեպքում կլուծվի ՆԱՏՕ-ի շրջանակներում 2 դաշնակից պետությունների հարաբերություններում առաջացած կնճռոտ հարցերը՝ կապված Անկարայի կողմից ռուսական Ս-400 ՀՕՊ համակարգեր գնելու և Վաշինգտոնի նախաձեռնությամբ Թուրքիային F-35 5-րդ սերնդի կործանիչների արտադրության համատեղ նախագծից հեռացնելու հետ:
Թուրքիայի նախագահ Ռեջեփ Թայիփ Էրդողանը դեռևս 2021-ին էր հայտարարել, որ ԱՄՆ–ն F-35 կործանիչների արտադրության ծրագրից Թուրքիային հեռացնելուց հետո Անկարային առաջարկել է F-16 կործանիչներ ձեռք բերել։
Ըստ WSJ-ի՝ Վաշինգտոնի այս մտադրությունը, որը կարող է կանխել նաև ռուս-թուրքական հետագա մերձեցումը, վտանգի տակ է: Մասնավորապես նշվում է, որ ըստ ԱՄՆ-ի օրենքների՝ Բայդենի վարչակազմը պարտավոր է գործարքի մասին առաջարկի ձևով պաշտոնապես տեղեկացնել Կոնգրեսին, որը կարող է քննարկել դա կամ արգելափակել: Կոնգրեսին դեռևս պաշտոնապես չի տեղեկացվել այդ մասին: Թերթի համոզմամբ շատ կոնգրեսմեններ կարող են դեմ դուրս գալ Թուրքիային կործանիչներ վաճառելուն: WSJ-ի հետ զրուցած ԱՄՆ-ի կոնգրեսականներից մեկի օգնականը նշել է, որ Թուրքիայի՝ F-16 գնելու պլանը կարող է Կոնգրեսում խոչընդոտների հանդիպել, ու կարևորն այն է, որ դրանց բախվելիս չփլուզվի, այլ հաղթահարի արգելքները:
Մյուս կողմից էլ մասնագետները կարծում են, որ եթե Թուրքիային F-16 կործանիչներ չվաճառեն, դա կնշանակի, որ պատժում են Անկարային: Սակայն սա էլ կարող է Անկարային ստիպել, որ նմանատիկ ռազմական ինքնաթիռներ գնի Ռուսաստանից: Դրանք կարող են լինել СУ-35, СУ-57, կամ 5-րդ սերնդի նոր նախագծված 1 շարժիչանի Checkmate կործանիչները:
Այս ենթաբաժնի վերջին նորությունները
Պաշտպանության նախարարի խոսքով, Թուրքիայի պաշտպանական արդյունաբերության ընկերություններից «ROKETSAN»-ը Քըրքհանդ շրջանում կհիմնի զենքի և հրթիռային համակարգերի արտադրության օբյեկտ։
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |