Էրդողանը իր վարկանիշով հետ է մնացել ընդդիմադիր մրցակիցներից

Հասարակական16:48, 20 Հունվար 2022

Էրդողանը իր վարկանիշով հետ է մնացել ընդդիմադիր մրցակիցներից

«Եվրասիա» հետազոտական կենտրոնը Թուրքիայում անցկացրել է սոցհարցում՝ պարզելու քաղաքացիների նախընտրական կողմնորոշումները։ Հունվարից 9-ից 14-ը Թուրքիայի 26 նահանգի 1260 բնակչի շրջանում իրականացված սոցհարցման արդյունքներն արդեն բերվել են ամփոփ տեսքի։

Քաղաքացիներին ուղղվել է հետևյալ հարցը.
«Եթե լինի արտահերթ ընտրությունը, ձեր կարծիքով ո՞ր դաշինքը կհաղթի»։

Հարցվածների 10 տոկոսը պատասխանել է, որ դեռևս անորոշության մեջ է։ Ռեջեփ Թայիփ Էրդողանի առաջնորդած «Cumhur» (Ժողովուրդ) դաշինքի հաղթանակը հնարավոր է համարել քաղաքացիների 32.3 տոկոսը, իսկ ընդդիմադիր «Millet» (Ազգ) դաշինքի հաղթանակը՝ 35.6 տոկոսը։ Ստացվում է, որ ընդդիմադիր ուժը մի քանի տոկոսային կետով առաջ է անցել իշխող ուժից։

«Եթե հաջորդ նախագահական ընտրություններում նորից առաջադրվի Էրդողանի թեկնածությունը, ձայն կտա՞ք նրան» հարցին քաղաքացիների 33.4 տոկոսը պատասխանել է «այո», 55.1 տոկոսը՝ «ոչ»։

Իբրև նախագահի ապագա թեկնածու՝ գործող նախագահ Էրդողանը ընտրազանգվածում ունեցած իր վարկանիշով փաստորեն հետ է մնացել ընդդիմադիր հիմնական մրցակիցներ Քեմալ Քըլըչդարօղլուից (ԺՀԿ-CHP կուսակցապետ), Էքրեմ Իմամօղլուից (Ստամբուլի քաղաքապետ) և Մանսուր Յավաշից (Անկարայի քաղաքապետ):

Աղբյուր` demokrathaber.org

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։