Տնտեսական12:14, 19 Հունվար 2022
Թուրքիան պաշտոնապես հայտարարել է, որ դեպի Հայաստան թռիչքները կսկսվեն փետրվարի 2-ին
Թուրքիայի Տրանսպորտի և ենթակառուցվածքների նախարարությունը հայտարարել է, որ Հայաստանի և Թուրքիայի միջև սկսված բանակցություններին զուգահեռ որոշվել է վերսկսել փոխադարձ թռիչքներ։ Դեպի Հայաստան թռիչքները կսկսվեն փետրվարի 2-ին, իսկ դեպի Էրբիլ՝ (Իրաքյան Քուրդիստան) հունվարի 24-ին։
Վերոհիշյալ նախարարության տարածած հայտարարության տեքստում մասնավորապես նշված է.
«Anadolujet-ի Գազիանթեփ-Էրբիլ չվերթերը կսկսվեն հունվարի 24-ից, փոխադարձ թռիչքներ կիրականացվեն երկուշաբթի և հինգշաբթի օրերին, շաբաթական 2 օր:
«Pegasus» ավիաընկերությունը Սաբիհա Գյոքչեն-Երևան ուղղությամբ շաբաթական 3 չվերթ իրականացնելու համար թույլտվություն է ստացել Թուրքիայի քաղավիացիայի կողմից։
Բացի այդ՝ հայկական կողմից «Fly One Armenia» ավիաընկերությանը թույլատրվել է շաբաթական 3 չվերթ իրականացնել Երևան-Ստամբուլ-Երևան ուղղությամբ։
Ձեռք բերված պայմանավորվածության համաձայն՝ առաջին թռիչքները փոխադարձաբար կսկսվեն փետրվարի 2-ին։ «Fly One Armenia» ավիաըներությանը պատկանող ինքնաթիռը վայրէջք կկատարի Ստամբուլի օդանավակայանում ժամը 19.50-ին, իսկ Սաբիհա Գյոքչենի օդանավակայանից կմեկնի երեկոյան 23.35-ին»։
Նշենք, որ հարաբերությունների կարգավորման գործընթացի շրջանակներում Թուրքիայի և Հայաստանի ներկայացուցիչները 13 տարվա մեջ առաջին անգամ հանդիպել են հունվարի 14-ին Մոսկվայում։ Հանդիպումից առաջ «Reuters»-ի հետ զրույցում «Pegasus»-ի ներկայացուցիչը հայտնել էր, որ առաջին չվերթը դեպի Երևան կիրականացվի փետրվարի 2-ին։ Ռուսական «ՏԱՍՍ» լրատվական գործակալությունը հայտնել էր, որ «FlyOne Armenia» ընկերությունը փետրվարի 2-ին կկազմակերպի Երևան-Ստամբուլ իր առաջին չվերթը։
Հիշեցնենք, որ «Flyone Armenia» ավիաընկերության գործադիր տնօրեն Արամ Անանյանը տեղեկացրել էր, որ Թուրքիան փետրվարի 2-ից թույլ է տվել ընկերությանը թռիչքներ իրականացնել Երևան-Ստամբուլ ուղղությամբ։
Ավելի վաղ Հայաստանի տարածքային կառավարման և ենթակառուցվածքների նախարարության խոսնակ Սոնա Հարությունյանը հայտարարել էր, որ թուրքական «Pegasus Airlines» ավիաընկերությանը թույլ է տրվել թռիչքներ իրականացնել դեպի Երևան։
Երևան-Ստամբու չվերթը նախաձեռնվել է 2003թ: Առաջին չվերթը տեղի է ունեցել հոկտեմբերի 16-ին Ռոբերտ Քոչարյանի նախագահության օրոք։
Այս ենթաբաժնի վերջին նորությունները
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Դամասկոսի առևտրային կցորդի գրասենյակը պաշտոնապես նախազգուշացրել է թուրքական ընկերություններին՝ կոչ անելով հաշվի առնել նոր կանոնները և վերանայել իրենց առևտրային պլանները։
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
ԱՄՆ Պետդեպի կողմից օգոստոսի 20-ին հրապարակված նամակում նշվել է, որ ԱՄՆ կառավարության բացասական դիրքորոշումը պահպանվում է:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |