Հասարակական13:29, 19 Հունվար 2022
Թուրք պրոֆեսոր. «Բացեք Թուրքիա-Հայաստան սահմանը և անցակետը կոչեք Դինքի անունով»
Թուրքական «DurDe» («Ո՛չ ասա ռասիզմին և ազգայնամոլությանը») հասարակական կազմակերպությունը հոդվածի տեսքով հրապարակել է թուրք պատմաբան, պրոֆեսոր Թաներ Աքչամի՝ հունվարի 15-ին Հրանտ Դինքի սպանության 15-րդ տարելիցի կապակցությամբ ունեցած ելույթը։
Թուրք պրոֆեսորը Դինքին անվանել է Թուրքիայի Մարթին Լյութեր Քինգ։
Մարթին Լյութեր Քինգ - ամերիկացի հոգևորական, ակտիվիստ, որը հայտնի է քաղաքացիական իրավունքների պաշտպանության համար մղած իր պայքարով։ Ստացել է խաղաղության Նոբելյան մրցանակ ռասայական խտրականության դեմ ոչ բռնի դիմադրություն ցույց տալու համար։
Ermenihaber.am-ը ստորև ներկայացնում է Թաներ Աքչամի ելույթից հատվածներ.
«Հրանտ Դինքը, ինչպես Մարթին Լյութեր Քինգը, սպանվեց, քանի որ ուներ փիլիսոփայություն, որը կասկածի տակ էր դնում հանրապետության հիմնադրումը (Թուրքիայի-խմբ.)։ Նա սպանվեց, քանի որ քաղաքացիական հավասար իրավունքներ էր պահանջում։
Քանի դեռ Դինքին չեն հռչակել հանրապետության հիմնադիր, այս երկրում ժողովրդավարությունը և մարդու իրավունքների հարգանքը չեն տիրի և այս հանրապետությունը չի կարող պսակվել ժողովրդավարությամբ։
Այս հանրապետությունը հիմնվել է՝ մարգինալացնելով հայերին, հույներին, ասորիներին և հրեաներին։
Դինքը սպանվեց, քանի որ ասաց. «Ես հայ եմ. ինձ այսպես եք ընդունելու»։ Սպանվեց, քանի որ ասաց, որ հնարավոր է և՛ հայ լինել, և՛ հավասար իրավունքներով քաղաքացի։
Իմ պնդումը հետևյալն է. Հրանտ Դինքը հոգեբանական գերակայություն է։ Նա գուցե շատ դանդաղ, բայց ներթափանցում է այս հասարակության մազանոթների մեջ։ Դիքին իմանալ և հասկանալ ցանկացողների թիվն աճում է, քանի որ Դինքը ներկայացնում է մի նոր բան, որը մենք կարոտում ենք։
Վերջին խոսքս հետևյալն է. խնդրում եմ բացե՛ք Թուրքիա-Հայաստան սահմանը և սահմանային անցակետն անվանե՛ք «Հրանտ Դինքի անցակետ»։ Սա մեծ քայլ կլինի հանրապետության հիմնադրման ընթացքում թողնված սխալների վերացման ուղղությամբ»։
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |