Տնտեսական12:14, 19 Հունվար 2022
Թուրքիան պաշտոնապես հայտարարել է, որ դեպի Հայաստան թռիչքները կսկսվեն փետրվարի 2-ին
Թուրքիայի Տրանսպորտի և ենթակառուցվածքների նախարարությունը հայտարարել է, որ Հայաստանի և Թուրքիայի միջև սկսված բանակցություններին զուգահեռ որոշվել է վերսկսել փոխադարձ թռիչքներ։ Դեպի Հայաստան թռիչքները կսկսվեն փետրվարի 2-ին, իսկ դեպի Էրբիլ՝ (Իրաքյան Քուրդիստան) հունվարի 24-ին։
Վերոհիշյալ նախարարության տարածած հայտարարության տեքստում մասնավորապես նշված է.
«Anadolujet-ի Գազիանթեփ-Էրբիլ չվերթերը կսկսվեն հունվարի 24-ից, փոխադարձ թռիչքներ կիրականացվեն երկուշաբթի և հինգշաբթի օրերին, շաբաթական 2 օր:
«Pegasus» ավիաընկերությունը Սաբիհա Գյոքչեն-Երևան ուղղությամբ շաբաթական 3 չվերթ իրականացնելու համար թույլտվություն է ստացել Թուրքիայի քաղավիացիայի կողմից։
Բացի այդ՝ հայկական կողմից «Fly One Armenia» ավիաընկերությանը թույլատրվել է շաբաթական 3 չվերթ իրականացնել Երևան-Ստամբուլ-Երևան ուղղությամբ։
Ձեռք բերված պայմանավորվածության համաձայն՝ առաջին թռիչքները փոխադարձաբար կսկսվեն փետրվարի 2-ին։ «Fly One Armenia» ավիաըներությանը պատկանող ինքնաթիռը վայրէջք կկատարի Ստամբուլի օդանավակայանում ժամը 19.50-ին, իսկ Սաբիհա Գյոքչենի օդանավակայանից կմեկնի երեկոյան 23.35-ին»։
Նշենք, որ հարաբերությունների կարգավորման գործընթացի շրջանակներում Թուրքիայի և Հայաստանի ներկայացուցիչները 13 տարվա մեջ առաջին անգամ հանդիպել են հունվարի 14-ին Մոսկվայում։ Հանդիպումից առաջ «Reuters»-ի հետ զրույցում «Pegasus»-ի ներկայացուցիչը հայտնել էր, որ առաջին չվերթը դեպի Երևան կիրականացվի փետրվարի 2-ին։ Ռուսական «ՏԱՍՍ» լրատվական գործակալությունը հայտնել էր, որ «FlyOne Armenia» ընկերությունը փետրվարի 2-ին կկազմակերպի Երևան-Ստամբուլ իր առաջին չվերթը։
Հիշեցնենք, որ «Flyone Armenia» ավիաընկերության գործադիր տնօրեն Արամ Անանյանը տեղեկացրել էր, որ Թուրքիան փետրվարի 2-ից թույլ է տվել ընկերությանը թռիչքներ իրականացնել Երևան-Ստամբուլ ուղղությամբ։
Ավելի վաղ Հայաստանի տարածքային կառավարման և ենթակառուցվածքների նախարարության խոսնակ Սոնա Հարությունյանը հայտարարել էր, որ թուրքական «Pegasus Airlines» ավիաընկերությանը թույլ է տրվել թռիչքներ իրականացնել դեպի Երևան։
Երևան-Ստամբու չվերթը նախաձեռնվել է 2003թ: Առաջին չվերթը տեղի է ունեցել հոկտեմբերի 16-ին Ռոբերտ Քոչարյանի նախագահության օրոք։
Այս ենթաբաժնի վերջին նորությունները
Թուրքիայի Կենտրոնական բանկի տվյալներով՝ 2025-ի 1-ին կիսամյակում միջազգային ուղղակի ներդրումների ծավալը հասել է 6.3 մլրդ դոլարի:
2014-ից Թուրքիայում ծառայություններ մատուցող «ICBC» բանկի մասնաճյուղերի թիվը 34-ից կնվազի 19-ի:
Թուրքիայի իշխող կուսակցության փոխնախագահի խոսքով՝ միայն Թուրքիան վերջին 22 տարում դեպի թյուրքական երկրներ արտահանման ծավալը մոտ 14 անգամով ավելացրել է:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Կազմակերպությունը համոզմունք է հայտնել, որ այս պատմական զարգացումը տարածաշրջանին կբերի երկարատև խաղաղություն։
Օգոստոսի 10-ին Թուրքիայի Բալըքեսիր նահանգում 6.1 բալ ուժգնությամբ երկրաշարժ է գրանցվել:
Թուրքիայի նախագահ Ռեջեփ Թայիփ Էրդողանի գլխավորությամբ օգոստոսի 11-ին կառավարության նիստ կգումարվի:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |