Սաիդ Քըրան. «Էրդողանը չի կարող նախագահ լինել, քանի որ դիպլոմ չունի»

Քաղաքական16:54, 18 Հունվար 2022

Սաիդ Քըրան. «Էրդողանը չի կարող նախագահ լինել, քանի որ դիպլոմ չունի»

Թուրքիայում գործող «Ժողովրդի ազատագրության» կուսակցության (ԺԱԿ-HKP) գլխավոր քարտուղարի տեղակալ Սաիդ Քըրանը Flash TV-ի եթերում անդրադարձել է Թուրքիայի նախագահ, «Արդարություն և զարգացում» կուսակցության (ԱԶԿ-AKP) առաջնորդ Ռեջեփ Թայիփ Էրդողանի համալսարանական դիպլոմի հետ կապված իրավական գործընթացին։ Այդ գործընթացը սկսվել է հենց վերոհիշյալ կուսակցության նախաձեռնությամբ։

«Գործող նախագահը նախագահ լինելու որակավորում չունի, քանի որ դիպլոմ չունի»,-հայտարարել է Քըրանը։

Կուսակցական գործչի այս պնդումից հետո լրագրող Օրհան Ուղուրօղլուն նրան հարցրել է` «Իսկ դուք ունե՞ք դիպլոմ»։

Դրան ի պատասխան ընդդիմադիր գործիչը եթերում ցույց է տվել իր ունեցած մի քանի դիպլոմը։

Նշենք, որ 2021թ. ԺԱԿ-ը, պնդելով, որ Թայիփ Էրդողանի՝ համալսարանի և լիցեյի դիպլոմների հարցում անորոշություն կա, դիմում էր ներկայացրել Մարմարայի համալսարան և տեղեկատվություն պահանջել նախագահի դիպլոմի վերաբերյալ։ Մարմարայի համալսարանը մերժել էր դիմումը, ինչից հետո կուսակցությունը դիմել էր Տեղեկատվության հասանելիության գնահատման խորհրդին և կրկին մերժում ստացել այն պատճառաբանությամբ, որ դա անձնական տվյալ է։ ԺԱԿ-ի փաստաբաններն այնուհետև հայց էին ներկայացրել Անկարայի 14-րդ վարչական դատարան՝ Տեղեկատվության հասանելիության գնահատման խորհրդին որոշումը չեղարկելու համար։

Հիշեցնենք, որ դեռևս 2000-ական թվականներին թուրք մտավորականներ Յալչըն Քյուչյուքը և Բանու Ավարն իրենց գրքերում և ելույթներում հայտարարել են, որ Էրդողանը չունի դիպլոմ։ Հաջորդող տարիներին Թուրքիայում հասարակական տարբեր շերտեր պարբերաբար նշել են, որ դիպլոմ չունենալու պատճառով Թայիփ Էրդողանն օրինական կերպով չի կարող զբաղեցնել Թուրքիայի նախագահի պաշտոնը։ Հիմնականում թեզեր են առաջ քաշվել առ այն, որ նախագահի ձեռքում երկու դիպլոմ կա, որոնց օրեգինալ լինելը փաստված չէ, նա քիչ հիշողություններ և լուսանկարներ ունի համալսարանական տարիներից և այլն։ 2018 թ-ին նախագահական ընտրություններից առաջ «Ժողովրդահանրապետական» կուսակցության (ԺՀԿ-CHP) թեկնածուն՝ Մուհարեմ Ինջեն, իր քարոզարշավի մի մասը կառուցել է Էրդողանի համալսարանական դիպլոմի հարցի վրա։

Աղբյուր` Gercekgundem.com

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Ուրալօղլու․ «Օգոստոսի 22-ին կայանալու է Կարս-Իգդիր-Արալըք-Դիլուջու երկաթուղային գծի հիմնարկեքը»

Թուրքիայի տարածքային ենթակառուցվածքների նախարարը հաղորդագրություն է տարածել։

Թուրքական դրոշի վրա «մերկապար» պարելու համար քրեական գործ է հարուցվել

Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն: