Ռազմական17:43, 10 Հունվար 2022
«Սիրայի դեմոկրատական ուժերի» քուրդ հրամանատարը հերքում է PKK-ի հետ իրենց կապի մասին Անկարայի մեղադրանքները
Հիմնականում քրդերից կազմված «Սիրայի դեմոկրատական ուժեր» (ՍԴՈւ-SDF) հակակառավարական զինված ուժերի հրամանատար Մազլում Քոբանին հայտարարել է, որ իրենք որպես կողմ հանդես չեն գալիս Թուրքիայի ու «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության հակամարտության մեջ:
Քուրդ հրամանատարը պնդել է, որ իրենք բազմիցս են հայտարարել այդ մասին՝ ավելացնելով, որ պատրաստ են ամեն տեսակ բանակցությունների թուրքական իշխանությունների հետ:
Ըստ նրա՝ Անկարան նպատակաուղղված ժխտում է Սիրիայում քրդական ներկայությունը և պատերազմում նրանց դեմ: Նա համոզմունք է հայտնել, սակայն, որ արտաքին ու ներքին ճնշումների արդյունքում Թուրքիայի իշխանությունների դիրքերի թուլացմանը զուգահեռ կփոխվի նաև Անկարայի մոտեցումն այս հարցում:
Քուրդ հրամանատարը խոսել է նաև Սիրիայում ԱՄՆ-ի ներկայության մասին՝ այն համարելով անհրաժեշտ այնքան ժամանակ, մինչև քաղաքական լուծում կգտնվի:
Նշենք, որ «Սիրիայի դեմոկրատական ուժերը» ներառում են Սիրիայի հյուսիսի քրդերի «Ժողովրդի ինքնաժաշտպանության ուժեր» խմբավորումը և արաբական տարբեր ընդդիմադիր խմբեր: ԻՊ-ի դեմ պայքարի նպատակով ԱՄՆ-ի նախաձեռնությամբ ստեղծված այս խմբավորումը 2016-ի գարնան տվյալներով ուներ շուրջ 25 հազար քուրդ և 5 հազար արաբ աշխարհազորային: Թուրքիայի իշխանությունները Սիրիայի բոլոր զինված քրդական կազմակերպություններին համարում են ահաբեկչական՝ դրանց նույնացնելով ՔԲԿ-ի հետ կամ մեղադրելով վերջինիս հետ կապեր ունենալու մեջ:
Այս ենթաբաժնի վերջին նորությունները
Թուրքիայի ՊՆ ղեկավարն Անկարայում հանդիպում է ունեցել իր ճապոնացի պաշտոնակցի հետ։
Հունաստանում այն դիտվում է որպես լուրջ մտահոգություն՝ իր աշխարհաքաղաքական հետևանքներով։
Այդ մասին հայտնում են Թուրքիայի պաշտպանության նախարարության աղբյուրները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |