Թուրքիան աշխարհի ամենահոռետես երկրների թվում է

Հասարակական11:59, 10 Հունվար 2022

Թուրքիան աշխարհի ամենահոռետես երկրների թվում է

Չնայած երիտասարդ բնակչությանը՝ Թուրքիան աչքի է ընկնում հոռետեսությամբ, որն առկա տնտեսական խնդիրների պատճառով հասել է ամենաբարձր մակարդակի։

Տնտեսական ճգնաժամը Թուրքիայի Հանրապետության քաղաքացիներին դարձրել է աշխարհի ամենահոռետես ժողովուրդը։ Համաշխարհային հետազոտական «Gallup» ընկերության հրապարակած վերջին տվյալների համաձայն՝ աշխարհի ամենահոռետես երկրներն են Թուրքիան, Բուլղարիան, Աֆղանստանը, Լեհաստանը և Չեխիան։

Զեկույցում նշվել է, որ հոռետեսության մակարդակը Թուրքիայում ակնհայտ կերպով աճել է ու դրա պատճառը շարունակվող գնաճն է։

44 երկրներում անցկացված հետազոտությունների համաձայն՝ ամբողջ աշխարհում հուսահատության մակարդակն ավելացել է: Նրանց թիվը, ովքեր կարծում են, որ 2022 թվականն ավելի լավ տարի է լինելու, քան 2021 թվականը, աշխարհում նվազել է՝ կազմելով շուրջ 38%։

Աղբյուր` T24.com.tr

Այս ենթաբաժնի վերջին նորությունները

15:18, 16 հուն

ԵՄ երկրները դադարեցրել են Թուրքիայի քաղաքացիների վիզայի համար դիմումների ընդունումը

Գերմանիան խստացրել է սահմանային միջոցառումները, քանի որ թուրքերը կազմում են անօրինական ներգաղթի հոսքի զգալի մասը։

16:28, 13 հուն

Թուրքիայում ինտերնետը դանդաղել է կիբերհարձակման պատճառով

Թուրքական աղբյուրների հաղորդմամբ՝ ինտերնետի արագությունը զգալիորեն նվազել է, իսկ հեռավար կապի որոշ ծառայություններում նկատվել են խափանումներ։

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։