Քաղաքական13:19, 16 Դեկտեմբեր 2021
Փայլանը հայտարարել է, որ պատրաստ է պատասխանատվություն ստանձնել Հայաստան-Թուրքիա հարաբերությունների կարգավորման համար
![Փայլանը հայտարարել է, որ պատրաստ է պատասխանատվություն ստանձնել Հայաստան-Թուրքիա հարաբերությունների կարգավորման համար](https://www.ermenihaber.am/news_images/75/222103_2/1617028878390_untitled_1.jpg)
Քրդամետ «Ժողովուրդների դեմոկրատական» կուսակցությունից (ԺԴԿ-HDP) ընտրված հայ պատգամավոր Կարո Փայլանը Թուրքիայի խորհրդարանում մամուլի ասուլիսի ընթացքում անդրադարձել է հայ-թուրքական հարաբերությունների կարգավորման նոր շրջափուլի մեկնարկին։
Նա կարծիք է հայտնել, որ քաղաքական կամքի և ցանկության առկայության դեպքում Թուրքիա-Հայաստան հարաբերությունների կարգավորումը կարող է ավելի արագ տեղի ունենալ, քան ակնկալվում է։
Փայլանը հայտարարել է, որ այդ գործընթացում և՛ Թուրքիայի, և՛ Հայաստանի, և՛ Ադրբեջանի քաղաքական գործիչները պետք է պատասխանատվություն ստանձնեն։ Շեշտել է, որ ինքը՝ որպես Թուրքիայի պատգամավոր, նույնպես պատրաստ է ստանձնել ցանկացած պատասխանատվություն։
Պատգամավորը խիստ կարևոր և պատմական է որակել երկու երկրների հարաբերությունների կարգավորման վերաբերյալ Թուրքիայի արտգործնախարար Մևլութ Չավուշօղլուի և Հայաստանի ԱԳՆ-ի հայտարարությունները։ Նա ընդգծել է հարաբերությունների կարգավորման ճանապարհային քարտեզի վրա աշխատելու կարևորությունը։
Փայլանը նշել է, որ երկու ժողովուրդների և երկու պետությունների միջև առկա նախապաշարմունքները շատ հեշտությամբ կարող են վերանալ, քանի որ երկու ժողովուրդներն ապրել են միասին հարյուրավոր տարիներ։
Նրա գնահատմամբ՝ կարևոր քայլ է այն, որ և՛ Հայաստանի ավիաընկերությունը, և՛ Թուրքիայի ավիաընկերություններն ուղիղ չվերթներ են սկսելու իրականացնել։
«Կարծում եմ, որ դրան պետք է անպայման հետևի տնտեսական հարաբերությունների զարգացումը։ Դրա համար էլ անհրաժեշտ է, որ անպայման բացվի սահմանը»,-ընդգծել է Փայլանը և հավելել, որ երկու երկրների միջև դիվանագիտական հարաբերություններ պետք է հաստատվեն, փոխադարձ դեսպանություններ բացվեն և դեսպաններ նշանակվեն։
Այս ենթաբաժնի վերջին նորությունները
![Անկարայում Գերմանիայի դեսպանատան դպրոցն այլևս Թուրքիայի քաղաքացիներ չի ընդունի](https://www.ermenihaber.am/news_images/94/281079_1/image_2024_07_26_165611851.thumb.png)
«Ernest-Reuter» դպրոցական համայնքի հայտարարության համաձայն՝ արգելքը չի տարածվում այժմ կրթությունը շարունակող Թուրքիայի քաղաքացիների ու երկքաղաքացիություն ունեցողների վրա:
![SANA. «Մոսկվայում Ասադ-Էրդողան հնարավոր հանդիպում չի քննարկվել»](https://www.ermenihaber.am/news_images/94/281070_1/010.thumb.jpg)
Ըստ Սիրիայի պետական լրատվական գործակալության՝ Թուրքիայի հետ կապված Ասադի դիրքորոշումները Պուտինին ավելի վաղ ներկայացրել է Ալեքսանդր Լավրենտևը:
![Օզել. «Էրդողանի հրամանով ֆինանսական հեղափոխության փորձ է իրականացվում»](https://www.ermenihaber.am/news_images/94/281061_1/3215.thumb.jpg)
Թուրքիայում գլխավոր ընդդիմադիր ուժը համարվող կուսակցության առաջնորդն անդրադարձել է իշխող կուսակցության ղեկավարության ներքո գտնվող ՏԻՄ-երի պարտքերին:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի կառավարությանն առընթեր գործող «Աղետների և արտակարգ իրավիճակների վարչությունը» (AFAD) հայտարարել է, որ այդ կայանը Թուրքիայի արտերկրում առաջին երկրաշարժերի մոնիտորինգի կայանն է։
Վան քաղաքում անհայտ անձինք ջնջել են հետիոտնային անցմանը կից քրդերեն գրությունը փոխարինելով այն ռասիստական գրառմամբ։
Թուրքիայում գլխավոր ընդդիմադիր ուժը համարվող կուսակցության առաջնորդն անդրադարձել է իշխող կուսակցության ղեկավարության ներքո գտնվող ՏԻՄ-երի պարտքերին:
Հանդիպման ընթացքում կողմերը քննարկել են երկկողմ հարաբերությունները, ռուս-ուկրաինական պատերազմը, Գազայում վերջին զարգացումները, իրավիճակը Սիրիայում և այլ տարածաշրջանային հարցեր։
Դեպքը տեղի է ունեցել Արևելյան Երուսաղեմի Ալ-Աքսա մզկիթի մոտ տեղի ունեցող իրադարձությունները լուսաբանելու ընթացքում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |