Էրդողանի թիկնազորի համար օրական ծախսվում է ավելի քան 60.000 դոլար

Տարածաշրջան16:41, 13 Դեկտեմբեր 2021

Էրդողանի թիկնազորի համար օրական ծախսվում է ավելի քան 60.000 դոլար

2021-ի 10 ամսում Թուրքիայի նախագահ Ռեջեփ Թայիփ Էրդողանի ու նրա ընտանիքի անվտանգության համար ծախսվել է 262.5 մլն թուրքական լիրա (18.5 մլն դոլար)։

Դա բավականին պատկառելի գումար է կազմում վերջին շաբաթներին դոլարի նկատմամբ թուրքական լիրայի մի քանի տասնյակ տոկոսանոց արժեզրկումից հետո: Ստացվում է, որ Թուրքիայի նախագահի թիկնազորի ամսական միջինը ծախսը եղել է 26 մլն լիրա, օրական՝ 870 հազար (61.5 հազար դոլար):

Ըստ Թուրքիայի ոստիկանական գլխավոր վարչության ֆինանսական հաշվետվությունների՝ նախագահի պահպանության վարչությունը, որտեղ աշխատում են նրա թիկնապահները, 2020-ին ծախսել է 263մլն լիրա (18.9 մլն դոլար):

Նշվում է, որ Էրդողանի թիկնազորի քանակը խիստ գաղտնի է պահվում: Թվաքանակի վերաբերյալ բոլոր ընդդիմադիր պատգամավորների գրավոր ու բանավոր հարցումներին երբեք հստակ պատասխան չի տրվում:

Ըստ մամուլի տվյալների՝ նրանց թիվը բավականին շատ է, քանի որ երկրի տարբեր շրջաններ Էրդողանի այցերի ժամանակ ուղղաթիռներից ու զրահամեքենաներից բացի երբեմն 100-ավոր մեքենաներից բաղկացած ավտոշարասյուններ են ուղեկցում նրան:

Աղբյուր` Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: