Թուրքիայի քրդաբնակ նահանգում արգելվել է քրդերեն թատերական ներկայացումը

Մշակութային13:02, 06 Դեկտեմբեր 2021

Թուրքիայի քրդաբնակ նահանգում արգելվել է քրդերեն թատերական ներկայացումը

Թուրքիայի քրդաբնակ Մարդին նահանգի համանուն քաղաքում իշխանություններն արգելել են բեմադրել քրդերեն լեզվով թատերական ներկայացում:

Դեկտեմբերի 5-ին քաղաքի հյուրանոցներից մեկի սրահում նախատեսված ներկայացման բեմադրությունն արգելելու համար նահանգապետարանը որպես հիմք է ներկայացրել զանգվածային միջոցառումների արգելանքի մասին որոշումը:

Հաղորդվում է, որ մերժում ստանալուց հետո ներկայացման կազմակերպիչները կրկին դիմել են նահանգապետարան՝ ապագայում ավելի հարմար ամսաթվով թույլտվություն ստանալու համար: Բայց այս անգամ էլ հյուրանոցի ղեկավարությունն է չեղարկել կազմակերպիչների հետ կնքած պայմանագիրը ու վերադարձրել նրանցից ստացած կանխավճարը: Հյուրանոցի ղեկավարությունը կազմակերպիչների բացատրության պահանջին ի պատասխան ասել է, որ չեն ցանկանում հակադրվել նահանգապետարանին:

Աղբյուր` gazetekarinca

Այս ենթաբաժնի վերջին նորությունները

14:50, 02 օգոս

Թուրքիայում գանձագողերը կողոպտում և ավերում են նախկինում հայաբնակ գյուղը

Գանձագողերից բացի գյուղի ավերակները երբեմն հայտնվում են նաև լքված բնակավայրերով հետաքրքրվողների ու լուսանկարիչների ուշադրության կենտրոնում:

15:40, 13 հուլ

Թուրքիայում ուրարտական սեպագիր արձանագրությունը հայտնվել է գանձագողերի թիրախում

Ժամանակի ընթացքում արձանագրության պատն ամբողջովին պղծվել է տարբեր միջամտություններով։

15:49, 07 հուլ

Թուրքիայում հայկական եկեղեցին նախ բանտի, ապա մզկիթի է վերածվել (լուսանկարներ)

Օսմանյան մեծանուն հայ ճարտարապետ Սարգիս Պալյանի նախագծմամբ կառուցված Այնթափի Սուրբ Աստվածածին եկեղեցին ժամանակին եղել է կայսրության ամենամեծ եկեղեցիներից մեկը։