Թուրքիայի համար նախատեսված F-35 կործանիչները կարող են փոխանցվել Հունաստանին

Քաղաքական16:27, 23 Նոյեմբեր 2021

Թուրքիայի համար նախատեսված F-35 կործանիչները կարող են փոխանցվել Հունաստանին

Ամերիկացի հայամետ սենատոր Բոբ Մենենդեսը օրինագիծ է ներկայացրել Սենատի քննարկմանը, որով կոչ է արվում ԱՄՆ-ի կողմից Թուրքիային չվաճառված F-35 գերժամանակակից կործանիչները փոխանցել Հունաստանին:

Ըստ թուրքական լրատվամիջոցների՝ օրինագիծն արդեն ներկայացվել է Սենատի քննարկմանը: Գալիք շաբաթ այն կդրվի քննարկման:

Նշենք, որ թուրքական լրատվամիջոցները անհանգստացած են Մենենդեսի ներկայացրած վերոնշյալ օրինագծից՝ հաշվի առնելով վերջին շրջանում թուրք-հունական լարված հարաբերությունները:

Մի շարք աղբյուրներ կարծում են, որ եթե Հունաստանին փոխանցվեն այդ կործանիչներն, ապա հունական զինված ուժերն օդային գերակայություն կունենան Էգեյան ծովի ավազանում թուրքական կողմի նկատմամբ:

Հիշեցնենք, որ ամերիկյան կործանիչները Թուրքիային չվաճառվեցին, քանի որ Անկարան Ռուսաստանից ձեռք էր բերել S-400 զենիթահրթիռային ՀՕՊ համակարգեր, որի հետևանքով Վաշինգտոնը կիրառեց պատժամիջոցներ:

Պատժամիջոցներից մեկի հետևանքով Թուրքիան չստացավ ամերիկյան վերոնշյալ կործանիչներն: Անկարան նաև դուրս մղվեց այդ կործանիչների արտադրության ծրագրից: Ըստ թուրք-ամերիկյան պայմանագրի՝ Անկարան պետք է որոշ պահեստամասեր արտադրեր F-35-ների համար:

Աղբյուր` Dunyabulteni

Այս ենթաբաժնի վերջին նորությունները

19:35, 18 սեպ

Թուրքիան և Ճապոնիան համագործակցում են երկաթուղային տեխնոլոգիաների ոլորտում

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն անդրադարձել է թեմային։

15:15, 18 սեպ

Թուրքիան և Եգիպտոսն Արևելյան Միջերկրականում ռազմածովային վարժանքներ կիրականացնեն

Թուրքիայի ՊՆ խոսնակն անդրադարձել է նաև Գազայի վրա Իսրայելի հարձակումներին՝ կոչ անելով միջազգային հանրությանը գործել և կանգնեցնել տարածաշրջանում տեղի ունեցող բռնությունները։