Քաղաքական12:18, 16 Նոյեմբեր 2021
Թուրքիան և Արաբական Միացյալ Էմիրությունները փորձում են կարգավորել լարված հարաբերությունները
Ըստ մեդիայում տարածվող լուրերի՝ նոյեմբերի 24-ին Արաբական Միացյալ Էմիրությունների (ԱՄԷ) թագաժառանգ Մոհամմեդ բին Զայեդ Ալ Նահյանն այց է կատարելու Թուրքիա և հանդիպում է ունենալու Թուրքիայի նախագահ Ռեջեփ Թայիփ Էրդողանի հետ։
Պաշտոնական Աբու Դաբին որևէ հայտարարություն չի կատարել այցի վերաբերյալ։ Reuters գործակալության հետ զրույցում սակայն, թուրք երկու պաշտոնյա նշել են առաջիկայում նաև Թուրքիայից ԱՄԷ հնարավոր բարձր մակարդակի այցի մասին և ընդգծել, որ այսպիսով փորձ է կատարվում կարգավորել երկու երկրների խարխլված հարաբերությունները։
Թուրքիայի և ԱՄԷ-ի միջև լարվածության լիցքաթափմանն ուղղված առաջին քայլերը կատարվել են այս ամռանը։ Թուրքիայի նախագահն օգոստոսին ընդունել է ԱՄԷ ազգային անվտանգության խորհրդականին, ինչից հետո՝ երկու շաբաթ անց, հեռախոսազրույց է ունեցել Աբու Դաբիի թագաժառանգ Մոհամմեդ բին Զայեդ Ալ Նահյանի հետ։
Թուրքիա-ԱՄԷ հարաբերությունները լարվել են Եգիպտոսում ռազմական հեղաշրջման փորձին ԱՄԷ-ի ցուցաբերած աջակցությունից հետո։ Տրածաշրջանում ազդեցության համար երկու երկրների պայքարը սրվել է Լիբիայի քաղաքացիական պատերազմի ժամանակ։ ԱՄԷ-ն Եգիպտոսի հետ միասին Լիբիայում աջակցել է գեներալ Հալիֆե Հաֆթարին, իսկ Թուրքիան՝ Լիբիայի ազգային համաձայնության կառավարությանը։ Թուրքիան ԱՄԷ-ին քննադատում է Եմենի հարցում ունեցած դիրքորոշման և Իսրայելի հետ դիվանագիտական կապեր հաստատելու համար։ Երկկողմ լարվածության պատճառ է նաև այն, որ ԱՄԷ-ում է գտնվում Թուրքիայում կազմակերպված հանցավոր խմբի ղեկավար ճանաչված Սեդաթ Փեքերը։
Այս ենթաբաժնի վերջին նորությունները
Թուրքիայի հետախուզության ղեկավարը շեշտվել է, որ Թուրքիան Իրաքի թուրքմենների կողքին է։
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Հալուք Բայրաքթարը նշել է, որ իրենց նպատակն է այդ ներդրումը դարձնել հաջողության պատմություն ոչ միայն Թուրքիայի, այլև Իտալիայի համար:
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Ընդհանուր առմամբ, 2002-ից մինչև 2024-ը Թուրքիայի նկատմամբ կայացվել է 3.363 իրավախախտման որոշում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |