Հասարակական10:33, 10 Նոյեմբեր 2021
Թուրքիայում իշխող կուսակցությունն ընդունել է, որ չունի 50 տոկոսանոց աջակցություն
Թուրքիայում իշխող «Արդարություն և զարգացում» կուսակցության (AKP-ԱԶԿ) հետազոտությունների և կրթության հարցերով փոխնախագահ Մուստաֆա Շենը հրապարակել է Թուրքիայում անցկացված վերջին սոցհարցման արդյունքները:
Դրանք ներկայացվել են Թուրքիայի նախագահ Ռեջեփ Թայիփ Թրդողանին և արտացոլում են Թուրքիայում ընտրության իրավունք ունեցողների նախընտրական տրամադրություններն այս պահին:
Ըստ Մուստաֆա Շենի ներկայացրած տվյալների՝ այս կիրակի ընտրություններ լինելու դեպքում հարցվածների 38.5 տոկոսը պատրաստ է քվեարկել Էրդողանի գլխավորած կուսակցության օգտին: ԱԶԿ-ի կոալիցիոն գործընկեր «Ազգայնական շարժում կուսակցության» (MHP-ԱՇԿ) օգտին կողմ է արտահայտվել 9.9 տոկոսը: Այսպիսով հիշյալ կուսակցությունների ձևավորած «Ժողովուրդ» դաշինքի ընդհանուր ձայները կազմում են ոչ ավել, քան 48.4 տոկոս:
Գլխավոր ընդդիմադիր ուժ համարվող քեմալականների «Ժողովրդահանրապետական կուսակցությունը» (CHP-ԺՀԿ) ստացել է հարցվածների 25.3 տոկոսի աջակցությունը, իսկ վերջինիս գործընկեր ազգայնական «Լավ» կուսակցությունը վայելում է 12.1 տոկոսի աջակցությունը: Ընդհանուր այս կուսակցությունների կազմած «Ազգ» դաշինքի աջակիցները կազմում են հարցվածների 37.4 տոկոսը:
Մյուս ընդդիմադիրներից քրդամետ «Ժողովուրնդերի դեմոկրատական կուսակցությանը» (HDP-ԺԴԿ) օգտին պատրաստ է քվեարկել հարցման մասնակիցների 9.2 տոկոսը, նախկին արտգործնախարար Ալի Բաբաջանի գլխավորած «DEVA» կուսակցության օգտին՝ 1.7 տոկոսը: Իսկ նախկին վարչապետ Ահմեթ Դավութօղլուի «Ապագա» կուսակցությանն աջակցում է 1.1 տոկոսը:
Նշենք, որ վերջին ամիսներին գրեթե ամեն շաբաթ հրապարակվում են ընտրություններին առնչվող տարբեր սոցհարցումների արդյունքներ: Դրանցում իշխող կուսակցության վարկանիշը տատանվում է 29-33 տոկոսի սահմաններում, իսկ գործընկեր ԱՇԿ-ի վարկանիշը՝ 8-9 տոկոսի սահմաններում:
Այս տվյալները հրապարակելով՝ ԱԶԿ-ն հերքում է Էրդողանի և նրա գլխավորած կուսակցության վարկանիշի կտրուկ անկման մասին լուրերը, բայց միևնույն ժամանակ ընդունում է, որ չունի այնքան աջակցություն, որ կարողանա միանձնյա կառավարություն ձևավորել:
Հիշեցնենք, որ 2018թ. անցկացված ընտրություններում «Ժողովուրդ» դաշինքը հավաքել էր 53.7 տոկոս ձայն, որից 42.6 տոկոսը բաժին է հասել ԱԶԿ-ին, իսկ 11.1 տոկոսը՝ ԱՇԿ-ին:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |